مصر کے قریب آئے تو پیر کاٹ دیں گے؛مصری پارلیمنٹ کا صیہونیوں کو انتباہ

سچ خبریں:مصر کی پارلیمنٹ کے ایک نمائندے نے صہیونی حکام کو شدید انتباہ دیتے ہوئے کہا ہے کہ مصر کے قریب آئے تو پیر کاٹ دیں گے

رشیا ٹو ڈے کی رپورٹ کے مطابق مصر کی پارلیمنٹ کے نمائندے مصطفیٰ بکری نے صہیونی میڈیا کی طرف سے اسد العالی (اسوان ڈیم) پر حملے کے منصوبے کی رپورٹنگ کا حوالہ دیتے ہوئے کہا کہ اگر اسرائیل ایسا کرے گا تو مصری فوج دوسرے ہی دن تل ابیب پہنچ جائے گی۔

یہ بھی پڑھیں: مصر اور امریکہ کے درمیان شدید ترین کشیدگی

انہوں نے مزید کہا کہ تم مصری فوج کو اچھی طرح نہیں جانتے، صرف اپنی فوج پر نظر ڈالو کہ حماس اور فلسطینی مجاہدین نے ان کے ساتھ کیا کچھ کیا ہے۔

بکری نے واضح کیا کہ جو کوئی بھی مصر کے قریب آئے گا، ہم اس کے پیر کاٹ دیں گے، ایک صہیونی اخبار نے رپورٹ دی ہے کہ مصر کے ساتھ تصادم قریب ہے اور میں ان سے کہتا ہوں کہ مصر ہمیشہ تیار رہتا ہے۔

مزید پڑھیں: مصر اور امریکہ کے درمیان شدید ترین کشیدگی

اس سے قبل صہیونی میڈیا نے رپورٹ دی تھی کہ صہیونی ریاست مصر کے اسد العالی (اسوان ڈیم) کو نشانہ بنا سکتی ہے۔