ایران کی قیادت یا نظام پر حملہ ہوا تو پاکستانی عوام کا ردعمل سخت ہوگا؛جماعت اسلامی کا انتباہ 

سچ خبریں:جماعت اسلامی پاکستان کے نائب امیر لیاقت بلوچ نے امریکہ اور اسرائیل کی ایرانی قیادت کے خلاف دھمکیوں کی شدید مذمت کرتے ہوئے خبردار کیا ہے کہ اگر ایران، اس کے نظام یا رہبرِ معظم پر کوئی حملہ کیا گیا تو پاکستانی عوام شدید اور فیصلہ کن ردعمل دیں گے۔

جماعت اسلامی پاکستان کے نائب امیر اور معروف سیاسی و مذہبی رہنما لیاقت بلوچ نے امریکی صدر اور اسرائیلی وزیر اعظم کی طرف سے آیت‌اللہ سید علی خامنہ‌ای کے خلاف دی گئی دھمکیوں کی سخت الفاظ میں مذمت کرتے ہوئے کہا ہے کہ اگر ایران، اس کی قیادت یا نظام پر ذرا سا بھی حملہ ہوا تو پاکستانی عوام کا ردعمل نہایت سخت اور قاطع ہوگا۔

یہ بھی پڑھیں:شہباز شریف نے ایران کے لیے پاکستان کی غیر متزلزل حمایت پر زور دیا

 انہوں نے کہا کہ ڈونلڈ ٹرمپ اور نیتن یاہو جیسے رہنما بے بنیاد دعووں جیسے ایران کی نابودی، نظام کی تبدیلی اور ہر قیمت پر سزا دینے کی باتیں کرتے رہے ہیں، لیکن عملی میدان میں ناکامی ان کا مقدر بنی ہے۔

لیاقت بلوچ کے مطابق، ایران پر حملے اور بمباری کے باوجود امریکہ اور اسرائیل کو واضح شکست کا سامنا ہوا، اور اب وہ اس شکست کو چھپانے کے لیے ایرانی رہبر کی جان کو نشانہ بنانے کی باتیں کر رہے ہیں، جو نہ صرف عالمی امن کے لیے خطرناک ہے بلکہ یہ ایک آزاد اور خودمختار ملک کی خودمختاری پر حملہ بھی ہے۔

انہوں نے کہا کہ ہم امریکی صدر کے بیانات اور عزائم کی سختی سے مذمت کرتے ہیں،لیاقت بلوچ نے اسرائیلی وزیر اعظم نیتن یاہو کو جنگی مجرم قرار دیا اور کہا کہ یہ حقیقت بین الاقوامی عدالتوں میں بھی ثابت ہو چکی ہے،انہوں نے خبردار کیا کہ موجودہ صورتحال میں امت مسلمہ اور عالمی ادارے ایک نہایت نازک دوراہے پر کھڑے ہیں اور اگر یہ سلسلہ جاری رہا تو عالمی امن کو شدید خطرات لاحق ہو سکتے ہیں۔

مزید پڑھیں:عراقچی کے پاکستانی ہم منصب کے ساتھ قرہ باغ میں مذاکرات 

لیاقت بلوچ نے زور دے کر کہا،اگر خدا نخواستہ ایران یا اس کی قیادت پر کوئی بھی حملہ کیا گیا تو پاکستان کے عوام خاموش نہیں بیٹھیں گے،اختتام پر انہوں نے کہا کہ پاکستانی قوم اور حکومت ہمیشہ ایران کے ساتھ کھڑے رہے ہیں اور ایرانی قوم نے بھی ہمیشہ اس حمایت کی قدر کی ہے،کسی بھی قسم کی جارحیت کی صورت میں پاکستانی عوام کا ردعمل نہایت شدید اور فیصلہ کن ہوگا۔