حزب اللہ کا اسرائیل سے انتقام کیسا ہوگا؟لبنانی وزیر خارجہ کی زبانی

?️ 19 ستمبر 2024

سچ خبریں: لبنان کے وزیر خارجہ عبدالله بوحبیب نے سی این این کو دیے جانے والے ایک انٹرویو میں موجودہ حالات کو خوفناک قرار دیا اور کہا کہ لبنان اب حزب اللہ کو پہلے کی طرح قائل کرنے کی صلاحیت نہیں رکھتا، کیونکہ حزب اللہ کو شدید نقصان پہنچا ہے اور ان کا عسکری ردعمل ناگزیر ہے۔

رشیا ٹوڈے کی رپورٹ کے مطابق لبنان کے وزیر خارجہ بوحبیب نے بیروت میں پیجر دھماکوں کے بعد قابض اسرائیلیوں کو اس دہشتگردی کے نتائج سے خبردار کیا۔

یہ بھی پڑھیں: حزب اللہ کا صیہونیوں سے وعدہ

انہوں نے کہا کہ بیروت میں پیجر دھماکوں کے نتیجے میں متعدد عام شہری شہید اور ہزاروں زخمی ہوئے ہیں اور لبنان کی حکومت اس بات سے پریشان ہے کہ اسرائیل کے مسلسل مہلک حملے ایک وسیع جنگ کا پیش خیمہ ہو سکتے ہیں۔

بوحبیب نے مزید کہا کہ لبنان اس وقت خوفناک حالات میں ہے اور جنگ نہیں چاہتا لیکن انہوں نے یہ بھی واضح کیا کہ حزب اللہ کو حالیہ حملوں سے شدید نقصان پہنچا ہے جس کے باعث ان کا عسکری ردعمل ناگزیر ہو چکا ہے۔

یاد رہے کہ منگل کی سہ پہر لبنان میں پیجر طرز کے وائرلیس کمیونیکیشن آلات کے دھماکوں کے نتیجے میں کم از کم 20 افراد شہید اور ہزاروں زخمی ہوئے تھے۔

مزید پڑھیں: صیہونی حکام حزب اللہ کے دندان شکن جواب کے منتظر

حزب اللہ نے ایک بیان میں اس حملے کا ذمہ دار اسرائیل کو ٹھہرایا اور اس بات پر زور دیا کہ دشمن کو اس مجرمانہ جارحیت کی قیمت ضرور چکانی پڑے گی۔