غزہ کے اسپتال انسانی المیے کا شکار؛غزہ کی وزارت صحت کا انتباہ

سچ خبریں:غزہ کی وزارت صحت نے اسرائیلی حملوں اور محاصرے کے باعث یہاں کے اسپتالوں میں عملے، دواؤں اور آلات کی شدید قلت کی بنیاد پر انسانی المیے کا اعلان کر دیا ہے۔

فلسطینی انفارمیشن سینٹر کی رپورٹ کے مطابق غزہ کی وزارت صحت نے ایک ہنگامی بیان جاری کرتے ہوئے خبردار کیا ہے کہ اسرائیلی بمباری اور طویل محاصرے کے باعث غزہ کے اسپتالوں میں شدید انسانی بحران پیدا ہو چکا ہے۔

یہ بھی پڑھیں: صہیونی فوج کا غزہ کے اسپتالوں پر بمباری سلسلہ جاری

رپورٹ کے مطابق صیہونی حکومت کی طرف سے جاری حملوں اور طبی رسد کی بندش کے باعث غزہ کے اسپتال اور طبی مراکز شدید دباؤ کا شکار ہیں، فلسطینی وزارت صحت کے مطابق آپریٹنگ تھیٹر، آئی سی یو اور ایمرجنسی یونٹس ضروری طبی آلات اور بنیادی اشیاء کے بغیر کام کر رہے ہیں۔

اسپتالوں کو پرتی تصویری مشینوں، اینستھیزیا کے آلات اور طبی جراحی کے ساز و سامان کی شدید ضرورت ہے، اورتھوپیڈک، عروقی، آنکھوں اور عمومی سرجریاں مکمل طور پر بند ہو چکی ہیں، بیڈز، امدادی سامان، اور وارڈز میں جگہ کی کمی مریضوں کی فوری نگہداشت میں رکاوٹ بن چکی ہے۔

وزارت صحت نے یہ بھی انکشاف کیا کہ  طبی استعمال کی گیسیں جیسے کاربن ڈائی آکسائیڈ، ایتھیلین، اکسائیڈ گیسیں مکمل طور پر ختم ہو چکی ہیں،آپریٹنگ رومز کے کپڑے، بیڈ شیٹس، حتیٰ کہ شہداء کے کفن تک دستیاب نہیں،کلورین، دھلائی کے انزائمز اور جراثیم کش نمک جیسی اشیاء کی عدم دستیابی نے انفیکشن کنٹرول پروگرامز کو تباہی کے دہانے پر پہنچا دیا ہے۔

مزید پڑھیں: غزہ کے اسپتالوں میں طبی خدمات بند ہونے کا خطرہ

وزارت نے واضح کیا کہ 24 گھنٹے کام کرنے والا طبی عملہ خوراک اور بنیادی ضروریات سے بھی محروم ہے،یہ صورتحال غزہ میں انسانی بحران کو مزید پیچیدہ مرحلے میں داخل کر چکی ہے،وزارت صحت نے عالمی برادری سے فوری امداد کی اپیل کی ہے تاکہ اسپتالوں میں طبی خدمات بحال ہو سکیں اور شہریوں کی جانیں بچائی جا سکیں۔