غزہ میں فوری انسانی امداد کی فراہمی یقینی بنائی جائے: فن لینڈ

🗓️ 9 مئی 2025

سچ خبریں:فن لینڈ کی وزیر خارجہ الینا والتونن نے غزہ میں اسرائیلی مظالم کی شدید مذمت کرتے ہوئے مطالبہ کیا ہے کہ انسانی امداد فوری طور پر غزہ پہنچائی جائے اور شہریوں کی جبری بے دخلی روکی جائے۔

فن لینڈ کی وزیر خارجہ الینا والتونن نے غزہ کی تشویشناک صورتحال پر شدید ردعمل کا اظہار کرتے ہوئے کہا ہے کہ نوارِ غزہ میں فوری طور پر انسانی امداد کی فراہمی ناگزیر ہو چکی ہے۔

یہ بھی پڑھیں:غزہ مکمل طور پر قحطی کا شکار

الجزیرہ نیوز چینل کی رپورٹ کے مطابق، وزیر خارجہ فن لینڈ نے اسرائیلی افواج کے اقدامات کی شدید الفاظ میں مذمت کرتے ہوئے کہا کیہ ہم نوارِ غزہ میں جاری حالیہ سانحات کی بھرپور مذمت کرتے ہیں اور اسرائیل سے مطالبہ کرتے ہیں کہ وہ فلسطینیوں کی جبری بے دخلی کا سلسلہ فوراً بند کرے۔

انہوں نے مزید کہا کہ فوری انسانی امداد غزہ تک پہنچائی جائے کیونکہ اس علاقے میں عوام کی حالت انتہائی ابتر ہو چکی ہے،ہمیں وہ ہولناک مناظر ختم کرنے ہوں گے جو انسانی المیے کی نمائندگی کرتے ہیں۔

مزید پڑھیں:عالمی برادری فلسطینی شہریوں کو اسرائیلی مظالم سے بچانے کیلیے فیصلہ کن اقدام کرے، ترجمان وزارت خارجہ

ادھر فلسطینی طبی ذرائع نے اطلاع دی ہے کہ آج صبح سے اب تک قابض صہیونی افواج کی مختلف علاقوں پر بمباری کے نتیجے میں کم از کم 92 فلسطینی شہید ہو چکے ہیں، جن میں سے 60 شہادتیں صرف شہر غزہ میں ہوئیں۔