غزہ کے واقعات بیدار ضمیر انسانوں کا امتحان ہیں:ملائیشیا کے وزیر اعظم  

سچ خبریں:ملائیشیا کے وزیر اعظم  انور ابراہیم نے غزہ میں جاری مظالم کو عالمی ضمیر کا امتحان قرار دیتے ہوئے کہا کہ صرف مذمت کافی نہیں، نسل کشی کے خلاف عملی اقدامات ضروری ہیں۔ 

ملائیشیا کے وزیر اعظم انور ابراہیم نے غزہ میں جاری اسرائیلی جارحیت اور فلسطینی عوام پر ڈھائے جانے والے مظالم کو بیدار ضمیروں کا امتحان قرار دیتے ہوئے عالمی برادری پر زور دیا ہے کہ وہ صرف مذمتی بیانات پر اکتفا نہ کرے بلکہ نسل کشی روکنے کے لیے عملی اقدامات کرے۔

یہ بھی پڑھیں: حماس کا فلسطینی عوام کی حمایت کرنے پر ملائیشیا کے خلاف کاروائی پر اظہار افسوس

الجزیرہ نیوز چینل کی رپورٹ کے مطابق ملائیشیا کے وزیر اعظم انور ابراہیم نے کہا کہ بین الاقوامی اداروں کی ناکامی اس بات کا تقاضا کرتی ہے کہ دنیا بھر کی حکومتیں اور اقوام متحدہ جیسے ادارے واضح اور مؤثر اقدامات اٹھائیں تاکہ غزہ میں جاری ظلم و ستم کو روکا جا سکے۔

انہوں نے مزید کہا کہ غزہ میں فلسطینیوں کے خلاف جو کچھ ہو رہا ہے، وہ صرف ایک انسانی بحران نہیں بلکہ ایک اجتماعی نسل کشی ہے، جس پر عالمی ضمیر کو بیدار ہو کر ردعمل دینا چاہیے۔

اسی تناظر میں، مراکش کے مختلف شہروں میں ہزاروں شہریوں نے ایک بار پھر اسرائیلی منصوبے کے خلاف شدید احتجاج کیا جس کے تحت غزہ کے رہائشیوں کو جبراً بےدخل کرنے کی کوشش کی جا رہی ہے۔

یہ مظاہرے غزہ لہو لہان ہے کے عنوان سے 78ویں ہفتے مسلسل منعقد کیے گئے، جن کی کال ہیئت مراکشی حمایت از قضایای امت نے دی تھی۔

مزید پڑھیں: ملائیشیا کے سابق وزیراعظم مہاتیر محمد نے فلسطینیوں کی حمایت میں اہم بیان جاری کردیا

مظاہروں کا انعقاد شفشاون، طنجہ، مکناس، القصر الکبیر، آگادیر، تازه، اور ازمور جیسے شہروں میں ہوا، جہاں مظاہرین نے فلسطینی پرچم اور مقاومت فلسطین کے حق میں بینرز اٹھا رکھے تھے،مظاہرین نے فوری جنگ بندی اور اسرائیلی جنگی جرائم کے خاتمے کا مطالبہ کیا اور عالمی برادری سے مؤثر مداخلت کی اپیل کی۔