صیہونی وزیر کی عرب و یورپی ممالک سے ایران جنگ میں مالی مدد کی درخواست پر امارتی عہدیدار کا ردعمل

سچ خبریں:اماراتی مشیر انور قرقاش نے اسرائیلی وزیر خزانہ کی عرب و یورپی ممالک سے ایران کے خلاف جنگ میں مالی تعاون کی اپیل کو اخلاقی انحطاط قرار دیتے ہوئے رد کر دیا۔ 

متحدہ عرب امارات کے مشیرِ اعلیٰ انور قرقاش نے اسرائیلی وزیر خزانہ کی جانب سے عرب اور یورپی ممالک سے ایران کے خلاف جنگ میں مالی امداد کی درخواست کو سخت تنقید کا نشانہ بناتے ہوئے اسے وقیح اور غیر اخلاقی قرار دیا ہے۔

یہ بھی پڑھیں:امریکہ کا ایران پر حملہ؛ عالمی سطح پر مذمتوں کی لہر

انور قرقاش نے اپنے سوشل میڈیا پیغام میں لکھا کہ اسرائیل کے وزیر خزانہ کی بے شرمی یہاں تک پہنچ گئی ہے کہ وہ ایران کے خلاف جنگ میں عرب اور یورپی ممالک سے مالی امداد کی مانگ کر رہا ہے۔

انہوں نے مزید کہا کہ خلیج کے عرب ممالک اسرائیلی حملے کی مذمت کر چکے ہیں اور وہ ایک سیاسی حل کے خواہاں ہیں تاکہ خطے کا استحکام برقرار رہے۔ اس قسم کی مطالبات ایک انتہا پسند فرد کی اخلاقی گراوٹ کی عکاسی کرتے ہیں، جو خطے میں کشیدگی کے نتائج سے بے خبر ہے۔

مزید پڑھیں:امریکہ کا ایران پر حملہ؛کمزور اسرائیل کی پشت پناہی یا سفارتکاری کا خاتمہ؟

واضح رہے کہ چند روز قبل اسرائیل کے وزیر خزانہ نے بیان دیا تھا کہ ایران سے جنگ بہت مہنگی ہے اور خلیجی عرب ممالک کو یورپ کے ساتھ مل کر اس جنگ میں مالی معاونت کرنی چاہیے،اس بیان پر عرب دنیا میں شدید ردِعمل سامنے آیا ہے اور اسے نہ صرف غیر سنجیدہ بلکہ خطے میں امن و استحکام کو خطرے میں ڈالنے کی کوشش قرار دیا گیا ہے۔