ڈونلڈ ٹرمپ کا قابلِ اعتماد یہودی مشیر، قومی سلامتی کے مشیرِ کے لیے مرکزی امیدوار

سچ خبریں:امریکی صدر ڈونلڈ ٹرمپ نے مشیرِ قومی سلامتی مائیک والٹز کو برطرف کر دیا ہے اور ان کی جگہ اسٹیفن ملر کو ممکنہ جانشین کے طور پر سامنے لایا جا رہا ہے، جو امیگریشن پالیسی کے معمار اور ٹرمپ کے قریبی سیاسی مشیر ہیں۔

امریکی صدر ڈونلڈ ٹرمپ کی جانب سے مشیرِ قومی سلامتی مائیک والٹز اور ان کے نائب کی برطرفی کے بعد، اس عہدے کے لیے نئے ناموں پر غور کیا جا رہا ہے۔ ان میں سب سے نمایاں نام اسٹیفن ملر کا ہے، جو ٹرمپ کے سینئر سیاسی مشیر کی حیثیت سے جانے جاتے ہیں۔

یہ بھی پڑھیں:امریکی قومی سلامتی کے مشیر کا دورۂ تل ابیب کیسا رہا؟

اسٹیفن ملر، جو وائٹ ہاؤس کے ڈپٹی چیف آف اسٹاف بھی ہیں، ماضی میں امیگریشن پالیسی سمیت متعدد اندرونی پالیسیوں میں کلیدی کردار ادا کر چکے ہیں۔ انہیں ٹرمپ کے قریبی اور پرانے مشیروں میں شمار کیا جاتا ہے۔

اسٹیفن ملر 39 سال کے ہیں اور امریکی ریاست کیلیفورنیا کے شہر سانتا مونیکا میں ایک یہودی اور لبرل ڈیموکریٹ خاندان میں پیدا ہوئے۔

 وہ 2021 میں ایک پوڈکاسٹ میں بتا چکے ہیں کہ انہوں نے ہائی اسکول کے دوران قدامت پسند نظریات کی طرف رجحان اختیار کیا، اور صرف 16 سال کی عمر میں ریپبلکن بن گئے۔

انہوں نے 2007 میں ڈیوک یونیورسٹی سے سیاسیات میں گریجویشن کیا، دورانِ تعلیم وہ یونیورسٹی کے جریدے میں قدامت پسند خیالات پر مبنی مضامین تحریر کیا کرتے تھے۔

ملر ان چند افراد میں شامل ہیں جو ڈونلڈ ٹرمپ کی پہلی اور دوسری حکومت دونوں میں فعال رہے، وہ 2016 میں ٹرمپ کی انتخابی مہم میں بطور سینئر سیاسی مشیر شامل ہوئے اور ان کا بنیادی کردار ٹرمپ کی تقاریر تحریر کرنا تھا، انہوں نے 2016 کے ریپبلکن نیشنل کنونشن میں ٹرمپ کی مرکزی تقریر کا مسودہ بھی تیار کیا۔

انتخابی کامیابی کے بعد، ملر کو ٹرمپ کے عبوری دور میں نیشنل پالیسی کا ڈائریکٹر اور بعد ازاں وائٹ ہاؤس میں سینئر مشیر مقرر کیا گیا، ان کی توجہ ابتدا میں داخلی پالیسیوں پر رہی، مگر وقت گزرنے کے ساتھ ان کا بنیادی فوکس امیگریشن پالیسی پر مرکوز ہو گیا۔

اسٹیفن ملر اس وقت وائٹ ہاؤس میں ڈپٹی چیف آف اسٹاف اور قومی سلامتی کے مشیر کے طور پر کام کر رہے ہیں۔ انہیں ٹرمپ انتظامیہ کی متنازعہ امیگریشن پالیسیوں کا مرکزی دماغ قرار دیا جاتا ہے، جن میں بڑے پیمانے پر غیر قانونی تارکینِ وطن کی گرفتاری اور ملک بدری کی پالیسیاں شامل ہیں۔

مزید پڑھیں:امریکی قومی سلامتی کے مشیر کی بن سلمان سے ملاقات

ملر ان افراد میں شامل ہیں جو غیر قانونی مہاجرین کو عدالت کے بغیر قانونی چارہ جوئی کے بغیر ملک بدر کرنے کے سخت حامی ہیں، ان کی پالیسیوں نے ٹرمپ کے دور میں امیگریشن پر سخت موقف کو جنم دیا۔