کیا الجولانی حکومت کو اسرائیل سے کوئی مسئلہ ہے؟دمشق کے گورنر کا اہم اعلان

🗓️ 28 دسمبر 2024

سچ خبریں:دمشق کے گورنر ماہِر مروان نے ایک بار پھر صیہونی حکومت کے بارے میں نئے شامی حکمرانوں کی پالیسی کو واضح کیا ہے۔

النشرہ نیوز چینل کی رپورٹ کے مطابق دمشق کے گورنر ماہِر مروان نے کہا کہ  نئے شام کو صیہونی حکومت سے کوئی مسئلہ نہیں۔

یہ بھی پڑھیں: صیہونی حکومت کا جنوبی شام کے آبی وسائل قبضہ کرنے کا خطرناک منصوبہ

انہوں نے امریکی ریڈیو این پی آر کے ساتھ گفتگو کرتے ہوئے صیہونی حکومت کی جانب سے شام پر کیے گئے حملوں اور جارحیت کو عام بات قرار دیا۔

ان کا کہنا تھا کہ اسرائیل کا ابتدائی خوف قابل فہم تھا اور یہ ایک قدرتی ردعمل تھا، ممکن ہے کہ اُس وقت اسرائیل کو عدم تحفظ کا احساس ہوا ہو، جس کے نتیجے میں اس نے پیش قدمی اور فضائی حملے کیے۔

گورنر ماہِر مروان نے مزید کہا کہ دمشق کو اسرائیل سے کوئی خوف نہیں اور نہ ہی کوئی مسئلہ ہے۔

انہوں نے واضح کیا کہ ہم ایسی کوئی کارروائی نہیں کریں گے جو اسرائیل کی سلامتی کو خطرے میں ڈالے، یہ نئی شامی حکومت کی پالیسی کا حصہ ہے۔

گورنر دمشق نے غزہ کی جنگ پر کوئی تبصرہ کیے بغیر، نئی ترجیحات کو خطے میں امن و استحکام قرار دیا۔

انہوں نے کہا کہ شامی عوام امن پسند ہیں اور کسی قسم کی محاذ آرائی کے خواہاں نہیں۔

مزید پڑھیں: 10 دن میں 500 مرتبہ بمباری؛ اسرائیل شام سے کیا چاہتا ہے؟

یاد رہے کہ یہ بیان ایسے وقت میں سامنے آرہے ہیں جب صیہونی حکومت نے شام کا فوجی ڈھانچہ تقریبا نیست و نابود کر دیا ہے اور اس ملک کے کئی شہروں پر قبضہ کر لیا ہے۔