شمالی مقبوضہ فلسطین میں ایک اور صہیونی فوجی کی خودکشی

?️ 16 جون 2026

سچ خبریں:صہیونی ذرائع نے شمالی مقبوضہ فلسطین میں اس حکومت کے ایک اور فوجی کی خودکشی کی خبر دی ہے۔

صہیونی ذرائع کے مطابق شمالی فلسطین میں صیہونی فوج کے ایک اور اہلکار نے جنگی نفسیاتی دباؤ کے باعث خودکشی کر لی، جبکہ حالیہ مہینوں میں فوجیوں کی خودکشی کے واقعات میں تشویشناک اضافہ ریکارڈ کیا گیا ہے۔

روسیا الیوم کی رپورٹ کے مطابق صہیونی ذرائع ابلاغ نے رپورٹ دی ہے کہ صہیونی فوج کے ایک اہلکار شمالی مقبوضہ فلسطین میں جنگ سے پیدا ہونے والے نفسیاتی صدمے کے بعد خودکشی کر لی۔

رپورٹس کے مطابق، مذکورہ فوجی عسکری کارروائیوں میں شرکت کے بعد جنگ سے متعلق نفسیاتی مسائل کا شکار ہو گیا تھا۔

اب تک صہیونی حکومت کی فوج نے اس فوجی کی شناخت یا واقعے کے درست حالات کے بارے میں مزید تفصیلات جاری نہیں کی ہیں۔

صہیونی اخبار ہارٹیز نے بھی رواں سال اپریل میں اپنی ایک رپورٹ میں گزشتہ مہینے کے دوران صہیونی فوجیوں میں خودکشی کے بڑھتے ہوئے واقعات کو تشویشناک قرار دیا تھا۔

صہیونی ذرائع ابلاغ کے مطابق، رواں اپریل میں کم از کم آٹھ فوجیوں اور تین ریزرو اہلکاروں نے خودکشی کی۔

 قابل ذکر ہے کہ خطے خصوصاً غزہ اور لبنان میں صہیونی حکومت کی مسلسل جنگی کارروائیوں اور تنازع کے طویل ہونے کے باعث صہیونی فوجی شدید ذہنی دباؤ، تھکن اور حوصلہ شکنی کا شکار ہو رہے ہیں، جس کے نتیجے میں خودکشی کے واقعات میں اضافہ دیکھنے میں آ رہا ہے۔