ٹرمپ کی پالیسیوں سے تنگ آ کر امریکیوں کی یورپ منتقلی 

سچ خبریں:امریکی شہریوں کی بڑی تعداد ٹرمپ دور کی پالیسیوں سے تنگ آ کر یورپ منتقل ہونے کی کوشش کر رہی ہے۔

المیادین نیوز چینل کی رپورٹ کے مطابق بلومبرگ کے مطابق امریکہ سے یورپ ہجرت کرنے والوں میں ہر سال اضافہ ہو رہا ہے اور یورپی کمپنیاں امریکی افراد کو روزگار بھی فراہم کر رہی ہیں،مغربی میڈیا کی رپورٹ نے اس بات کا اعتراف کیا ہے کہ امریکہ کے شہریوں میں ملک چھوڑ کر یورپ میں بسنے کا رجحان تیزی سے بڑھ رہا ہے۔

یہ بھی پڑھیں:یک قطبی ترتیب کا زوال؛ دنیا کے نئے قوانین کون قائم کرے گا؟

بلومبرگ نے اپنی رپورٹ میں بتایا کہ یورپ ہجرت کرنے والے امریکیوں کی تعداد میں مسلسل اضافہ ہو رہا ہے۔ یہ صورتحال سابق امریکی صدر ڈونلڈ ٹرمپ کی حکومت کی پالیسیوں کے بعد پیدا ہوئی ہے۔

رپورٹ میں کہا گیا ہے کہ اب بڑی تعداد میں امریکی شہری ایسے راستے تلاش کر رہے ہیں جن کے ذریعے وہ ٹرمپ انتظامیہ کی پالیسیوں سے بچ کر یورپ میں زندگی گزار سکیں۔

ان میں وہ افراد بھی شامل ہیں جو اپنے یورپی رشتہ داروں کے توسط سے براہ راست یورپ میں رہائش حاصل کرنے کی کوشش کر رہے ہیں اور اس سلسلے میں آپس میں مقابلہ کر رہے ہیں۔

دوسری جانب، بہت سے افراد مختلف ذرائع جیسے سیاحتی ویزا یا ریٹائرمنٹ کے لیے مخصوص رہائشی اجازت نامے کے ذریعے یورپ منتقل ہونے کی کوشش کر رہے ہیں۔

یورپ کی کچھ جامعات اور تحقیقی ادارے بھی امریکہ میں اپنی ملازمتیں کھو دینے والے سائنسدانوں اور ماہرین کو اپنی طرف راغب کر رہے ہیں۔

مزید پڑھیں:ٹرمپ کی پالیسیاں؛معاشی بحران اور جغرافیائی خطرات 

سان فرانسسکو میں قائم بین الاقوامی کمپنی ڈیل کے مطابق، اس سال جنوری سے اپریل کے دوران یورپی کمپنیوں کی جانب سے ملازمت پانے والے امریکی شہریوں کی تعداد میں 16 فیصد اضافہ ریکارڈ کیا گیا ہے۔