ایران کے خلاف امریکی و صہیونی جارحیت فوری روکی جائے: جاپان

?️ 17 مارچ 2026

سچ خبریں:جاپان کی وزیر اعظم نے ایران کے خلاف امریکی و صہیونی جارحیت روکنے اور کشیدگی کم کرنے پر زور دیا ہے۔

الجزیرہ نیوز چینل کی رپورٹ کے مطابق جاپان کی وزیر اعظم سانائے تاکایچی نے خطے میں کشیدگی کم کرنے اور ایران کے خلاف امریکی و اسرائیلی حملوں کو روکنے پر زور دیتے ہوئے کہا کہ ٹوکیو واشنگٹن اور تہران دونوں کے ساتھ رابطے میں ہے۔

رپورٹ کے مطابق جاپان کی وزیر اعظم سانائے تاکایچی نے پارلیمنٹ کی بجٹ کمیٹی کے اجلاس کے دوران خطے کی صورتحال کا ذکر کرتے ہوئے کہا کہ اس وقت سب سے اہم بات فوری طور پر امن کی بحالی اور کشیدگی میں کمی ہے۔

انہوں نے مزید کہا کہ ٹوکیو مختلف سطحوں پر واشنگٹن کے ساتھ رابطے میں ہے اور امریکہ کے ساتھ مختلف پہلوؤں پر مشاورت کا سلسلہ جاری ہے۔

جاپانی وزیر اعظم نے واضح کیا کہ اعلیٰ ترین سطح پر ہم چاہتے ہیں کہ اپنے قومی مؤقف کو مدنظر رکھتے ہوئے امریکی حکام کے ساتھ اس صورتحال پر تفصیلی گفتگو کی جائے۔

تاکایچی نے یہ بھی کہا کہ جاپان ایران کے ساتھ بھی رابطے میں ہے اور یہ رابطہ زیادہ تر وزیر خارجہ کے ذریعے برقرار رکھا جا رہا ہے۔