الجولانی حکومت کا مشہور صیہونی جاسوس کی باقیات واپس کرنے کا اعلان

الجولانی حکومت کا مشہور صیہونی جاسوس کی باقیات واپس کرنے کا اعلان

?️

سچ خبریں:الجولانی حکومت نے صیہونی حکومت کے ساتھ تعلقات معمول پر لانے اور امریکی حمایت حاصل کرنے کے لیے موساد کے مشہور جاسوس ایلی کوہن کا آرکائیو اور ذاتی سامان اسرائیل کے حوالے کر دیا ہے، اس اقدام کو موساد نے بڑی اخلاقی کامیابی قرار دیا ہے۔

روئٹرز خبر رساں ادارے کی رپورٹ کے مطابق الجولانی حکومت نے اسرائیل سے دشمنی کم کرنے اور امریکہ سے تعلقات بہتر بنانے کی کوشش کے تحت، موساد کے مشہور جاسوس ایلی کوہن کا ذاتی آرکائیو اور دیگر اہم دستاویزات اسرائیل کے حوالے کر دی ہیں۔
تین باخبر ذرائع نے روئٹرز کو بتایا کہ الجولانی حکومت نے صہیونی جاسوس ایلی کوہن کے ذاتی سامان اور دستاویزات کی واپسی پر اسرائیل سے اتفاق کیا ہے تاکہ اسرائیل کے ساتھ کشیدگی کم کی جا سکے اور امریکی صدر ڈونلڈ ٹرمپ کے سامنے اپنی حسن نیتی کا اظہار کیا جا سکے۔
اتوار کے روز اسرائیل نے تصدیق کی کہ ایلی کوہن سے متعلق اہم اسناد، تصاویر اور ذاتی اشیا بازیاب کر لی گئی ہیں۔ موساد کے مطابق، یہ آرکائیو ایک غیر ملکی انٹیلی جنس ادارے کی مدد سے ایک خفیہ آپریشن کے ذریعے اسرائیل واپس پہنچایا گیا ہے۔
ذرائع کا کہنا ہے کہ آرکائیو کی واپسی دراصل جولانی حکومت کی طرف سے اسرائیل کے لیے خیر سگالی کا اشارہ ہے، جو اپنی پوزیشن مضبوط کرنے اور ٹرمپ انتظامیہ کے اعتماد کو حاصل کرنے کی کوشش کر رہی ہے۔
ایلی کوہن، جنہیں 1965 میں دمشق میں سر عام پھانسی دی گئی تھی، اسرائیل میں اب بھی قومی ہیرو اور موساد کے سب سے بڑے جاسوس کے طور پر جانے جاتے ہیں۔ ان کی فراہم کردہ حساس عسکری معلومات نے 1967 کی جنگ میں اسرائیل کی کامیابی میں اہم کردار ادا کیا تھا۔
اسرائیلی وزیر اعظم بن یامین نیتن یاہو نے اتوار کو ایلی کوہن کو ایک افسانوی اور تاریخ کے عظیم ترین انٹیلی جنس افسر قرار دیا،موساد نے آرکائیو کی واپسی کو انتہائی اعلیٰ اخلاقی قدر کی کامیابی قرار دیا ہے۔
یاد رہے کہ تل ابیب کئی سالوں سے ایلی کوہن کی باقیات کی واپسی کی کوشش کر رہا ہے، لیکن یہ آرکائیو تقریباً 60 سال تک شامی انٹیلی جنس کی تحویل میں رہا۔
ابھی تک صہیونی حکام نے اس آپریشن کی مکمل تفصیلات جاری نہیں کیں، صرف یہ کہا گیا کہ یہ موساد اور ایک غیر ملکی انٹیلی جنس ادارے کے مشترکہ خفیہ آپریشن کا نتیجہ ہے۔

مشہور خبریں۔

صحت انصاف کارڈ کے نظام کی مزید بہتری کے لئے  وزیراعظم کا اہم فیصلہ

?️ 4 ستمبر 2021اسلام آباد (سچ خبریں) وزیراعظم عمران خان نے صحت انصاف کارڈ  کے

نیتن یاہو "شباک” کی سربراہی کے لیے کس کا انتخاب کریں گے؟

?️ 3 مئی 2025سچ خبریں:  اسرائیلی داخلی سلامتی کے ادارے شاباک کے سربراہ رونن بار

دنیا بھر کے صارفین اسرائیلی دہشت گردی پر خوش ہیں: ایران کا شکر گزار ہے

?️ 17 جون 2025سچ خبریں: دنیا بھر کے سوشل نیٹ ورکس پر صارفین نے صیہونیوں

غزہ موسم سرما میں؛ زمینی رپورٹ، تباہی کی شدت اور عوام کی فوری ضروریات  

?️ 1 مارچ 2025 سچ خبریں:غزہ میونسپلٹی کے ترجمان نے اس جنگ زدہ علاقے کی

غزہ میں صیہونیوں کی بربریت کے بارے میں عالمی برادری کو انتباہ

?️ 16 مئی 2024سچ خبریں: یوم نکبت کی 76ویں سالگرہ کے موقع پر ایک پریس کانفرنس

ہمارے واش رومز اور بیڈ رومز سے نکلو، اپنا کام کرو تو پاکستان بدل جائے گا، جنید اکبر خان

?️ 8 اپریل 2025اسلام آباد: (سچ خبریں) پاکستان تحریک انصاف خیبرپختونخواہ کے صدر اور چیئرمین

مسلم لیگ (ن) کو پی ٹی آئی اور اسٹیبلشمنٹ کے مذاکرات میں اپنی سیاسی موت نظر آتی ہے، پرویز الہٰی

?️ 13 مئی 2024لاہور: (سچ خبریں) سابق وزیر اعلی پنجاب پرویز الہی نے کہا ہے

چمکتی رنگت کی وجہ صبا فیصل کا نام ٹیوب لائٹ رکھا ہے، اسما عباس

?️ 27 جنوری 2024 کراچی: (سچ خبریں) سینیئر اداکارہ اسما عباس کا کہنا ہے کہ وہ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے