امریکہ سے معاہدہ ختم، جواب دریائے سرخ میں دیا جائے گا؛انصاراللہ کا اعلان

سچ خبریں:انصاراللہ یمن کے سیاسی دفتر کے رکن محمد البخیتی نے کہا ہے کہ امریکہ کی ایران پر جارحیت کے بعد ان کا معاہدہ ختم ہو چکا ہے اور اب امریکی افواج کو دریائے سرخ میں نشانہ بنایا جائے گا۔ جنگ کے دائرے کو وسیع کیا جائے گا۔

امریکی حملے کے بعد مشرق وسطیٰ میں کشیدگی نئی سطح پر پہنچ گئی ہے، اور یمن کی انقلابی تنظیم انصاراللہ نے اعلان کیا ہے کہ وہ اب امریکہ اور اسرائیل کے خلاف براہِ راست عسکری کارروائی کرے گی۔

یہ بھی پڑھیں:امریکہ کا ایران پر حملہ؛ عالمی سطح پر مذمتوں کی لہر

رکن دفترِ سیاسی انصاراللہ محمد البخیتی نے الجزیرہ کو انٹرویو دیتے ہوئے کہا کہ ہمارا امریکہ کے ساتھ معاہدہ اُس وقت تک تھا جب تک اُس نے ایران پر حملہ نہیں کیا تھا۔ اب یہ معاہدہ ختم ہو چکا ہے۔

انہوں نے مزید کہا کہ ہم آج اپنے ایرانی بھائیوں کے شانہ بشانہ امریکہ اور صہیونی ریاست کے خلاف کھڑے ہیں۔ ہمارا فوجی جواب اب جلد دیا جائے گا، اور پہلا ہدف امریکی افواج ہوں گی جو دریائے سرخ میں موجود ہیں۔

البخیتی نے اس بات کی تصدیق کی کہ کہ ہم جنگ کا دائرہ وسیع کریں گے تاکہ امریکہ کا یہ جارحانہ رویہ روکا جا سکے۔

مزید پڑھیں:امریکہ کا ایران پر حملہ؛کمزور اسرائیل کی پشت پناہی یا سفارتکاری کا خاتمہ؟

یہ بیان ایسے وقت میں سامنے آیا ہے جب امریکہ نے ایران کی جوہری تنصیبات پر حملہ کیا ہے، جس کے بعد مشرق وسطیٰ میں امریکی مفادات پر حملوں کا خطرہ کئی گنا بڑھ چکا ہے۔ انصاراللہ جو ماضی میں سعودی عرب اور امارات کے خلاف ڈرون و میزائل حملے کر چکی ہے، اب براہِ راست امریکی اہداف کو نشانہ بنانے کی تیاری کر رہی ہے۔