یوکرین کو روسی سرزمین پر حملے کے لیے امریکی انٹیلی جنس کی مدد

سچ خبریں: وال اسٹریٹ جرنل کی رپورٹ کے مطابق، امریکہ یوکرین کو روس کے گہرے علاقوں اور اس کی انرجی سہولیات پر میزائل حملوں کیلیے خفیہ معلوماتی امداد فراہم کرنے جا رہا ہے۔

اس میڈیا کے مطابق، امریکی عہدیداروں نے نیٹو کے رکن ممالک سے بھی کہا ہے کہ وہ کییف کے لیے اسی قسم کی مدد فراہم کریں۔ اخبار کے ذرائع کا کہنا ہے کہ

امریکہ یوکرین کو ٹاماہاک اور باراکوڈا کروز میزائل فراہم کرنے کے امکان پر بھی غور کر رہا ہے، اگرچہ اس حوالے سے کوئی حتمی فیصلہ نہیں ہوا ہے۔

روس کے اقوام متحدہ میں مستقل نمائندے واسلی نیبینزیا نے کل کہا کہ اگر امریکہ ایسا فیصلہ کرتا ہے تو ماسکو کا اس پر مناسب جواب ہوگا۔

روس کے وزیر خارجہ سرگئی لاوروف نے اس سے قبل کہا تھا کہ یوکرین کو ٹاماہاک میزائل کی فراہمی کا معاملہ ابھی حتمی نہیں ہے، لیکن ان کے بقول، کرمیلن کو پختہ یقین ہے کہ یوکرین کو امریکہ کی جانب سے ٹاماہاک میزائل کی فراہمی بھی محاذ جنگ کی صورت حال پر کوئی فرق نہیں ڈالے گی۔