یوکرین کا لوہانسک کو امریکی ہتھیاروں سے نشانہ

?️ 10 دسمبر 2022

سچ خبریں:روسی میڈیا نے مقامی ذرائع کے حوالے سے بتایا ہے کہ یوکرین کی فوج نے آج ہفتے کی صبح لوہانسک صوبے کے علاقوں پر راکٹ داغے۔

اسپوٹنک نیوز ایجنسی کی رپورٹ کے مطابق مشرقی یوکرین کے لوہانسک صوبے کے ذرائع اور مقامی حکام کا کہنا ہے کہ یوکرین کی فوج نے آج صبح سویٹوفے شہر کے رہائشی علاقوں کو 3 امریکی ہیمارس میزائلوں سے نشانہ بنایا،تاہم ابھی تک اس میزائل حملے میں جانی اور مالی نقصان کی کوئی رپورٹ شائع نہیں ہوئی ہے۔

واضح رہے کہ گزشتہ سال مارچ میں یوکرین میں روسی فوجی کارروائیوں کے آغاز کے ساتھ ہی امریکہ اور یورپ نے ماسکو کے خلاف وسیع پابندیاں عائد کرنے کے علاوہ یوکرین کی فوج کو بڑی مقدار میں فوجی ہتھیار فراہم کیے ہیں،پیر کے روز، یوکرین میں جنگی جرائم سے متعلق معاملات کی نگرانی اور رابطہ کاری کے مشترکہ مرکز میں ڈونیٹسک عوامی جمہوریہ کے نمائندے کے دفتر نے اعلان کیا کہ یوکرین کی افواج نے جمہوریہ ڈونیٹسک میں ووروشیلووسکایا کے علاقے پر 10 گریڈ میزائلوں سے بمباری کی۔

جیسا کہ علاقے میں موجود اسپوٹنک کے رپورٹر نے اطلاع دی اس حملے میں کئی لوگ زخمی ہوئے اور ایک چرچ سمیت دو عمارتوں کو آگ لگ گئی ، یاد رہے کہ ڈونیٹسک اور لوہانسک کی ریپبلکوں اور زاپوریزیا اور کھیرسن کے علاقوں نے 23 سے 27 ستمبر تک روس میں شامل ہونے کے لیے ریفرنڈم کا انعقاد کیا جس میں ووٹروں کی اکثریت نے روس میں شامل ہونے پر اتفاق کیا۔