یورپی یونین کی جانب سے صیہونی نئی کابینہ کا خیرمقدم

?️ 14 جون 2021

سچ خبریں:کونسل آف یورپ کے صدر نے ایک پیغام میں صیہونی حکومت کی نئی کابینہ کے قیام کا خیرمقدم کیا اور مغربی ایشین خطے میں امن و استحکام کے لئے دوطرفہ تعلقات کو مضبوط بنانےکی کوششوں پر زور دیا۔
صہیونی حکومت کی نئی کابینہ کے قیام اور 12 سال بعد بنیامین نیتن یاہو کو وزیر اعظم کے عہدے سے ہٹائے جانے کا یوروپی یونین نے خیرمقدم کیا،یوروپی کونسل کے صدر چارلس مشیل نے آج (پیر) صبح صیہونی حکومت کی نئی کابینہ کے قیام کا خیرمقدم کرتے ہوئے ٹویٹ کیا اور صیہونی حکومت کے نئے وزیر اعظم کے انتخاب پر یامینا پارٹی کے صدر نفتالی بینیٹ کو مبارکباد پیش کی۔

ٹائمس آف اسرائیل کے مطابق مشیل نے اپنے پیغام میں لکھا کہ ہم مشترکہ بھلائی کے ساتھ ساتھ دیرپا علاقائی امن و استحکام کے لئے یوروپی یونین اور اسرائیل کی شراکت کو مستحکم کرنے کے منتظر ہیں،واضح رہے کہ گذشتہ روز (اتوار کو) صہیونی کنسیٹ میں بینیٹ کی کابینہ کے حوالے سے رائے دہی ہوئی تھی جس میں کنسیٹ کے 60 ارکان نے بینیٹ کی کابینہ کے حق میں ووٹ دیا جبکہ 59 افراد نے اس کی مخالفت کی جس کے بعد نیتن یاہو کی حکمرانی کی مدت ختم ہوگئی اور نفتالی اسرائیل کے تیرہویں وزیر اعظم اور چھتیسویں کابینہ کےسربراہ بن گئےجبکہ لاپڈ نے بھی صیہونی حکومت کے متبادل وزیر اعظم کی حیثیت سے حلف لیا اورصیہونی حکومت کی تاریخ کے دوسرئے متبادل وزیر اعظم بن گئے۔

قابل ذکر ہے کہ صیہونی حکومت کے وزیر اعظم کے طور پر نفتالی بینیٹ کے انتخاب کے کچھ ہی گھنٹوں سے بھی کم عرصے میں وائٹ ہاؤس نے امریکی صدر جو بائیڈن سے ٹیلیفون پران کی بات چیت کرنے کا اعلان کیا،وائٹ ہاؤس کے ایک بیان کے مطابق بائیڈن نے ایران سمیت خطے میں سکیورٹی کے تمام امور پر نفتالی بینیٹ سے مشاورت کرنے پر اتفاق کیا۔