یمن میں عام شہریوں کے قتل پر سعودی عرب کو جوابدہ ہونا چاہیے: انصاراللہ

سچ خبریں: انصارالله یمن کے رہنما محمد الفرح نے سعودی اتحاد پر زور دیا ہے کہ وہ یمن کے خلاف جنگ کا خاتمہ کرے، ورنہ نتائج کا سامنا کرنے کے لیے تیار رہے۔ انہوں نے انکشاف کیا کہ جنگ اور محاصرے کے نتیجے میں 14 لاکھ شہری قتل کئے گئے۔

انصارالله کے سیاسی دفتر کے رکن محمد الفرح نے مزید کہا کہ سعودی اتحاد یمن کے خلاف جنگ کے نتائج کا ذمہ دار ہے۔ انہوں نے بتایا کہ کئی سال پر محیط اس جنگ کے دوران فضائی حملوں اور بمباری میں 3 لاکھ یمنی بھی اپنی جانوں سے محروم ہو گئے۔