ہم نے ہمیشہ فلسطین کی حمایت کی ہے:چین

?️ 11 جون 2023

سچ خبریں:چین کا کہنا ہے کہ اس نے ہمیشہ فلسطینی عوام کے جائز اور قومی حقوق کی بحالی کے لیے ان کی حمایت کی ہے۔

روئٹرز خبر رساں ادارے کی رپورٹ کے مطابق چینی وزارت خارجہ کے ایک عہدیدار نے اعلان کیا کہ فلسطینی اتھارٹی کے سربراہ محمود عباس کا اگلے ہفتے بیجنگ کا دورہ چین اور فلسطینیوں کے درمیان پائیدار دوستی کا ثبوت ہے۔

اس حوالے سے چینی وزارت خارجہ کے ترجمان وانگ وین بن نے صحافیوں کو بتایا کہ عباس چینی عوام کے پرانے اور وفادار دوست ہیں اور اس سال چین کا دورہ کرنے والے پہلے عرب سربراہ مملکت ہیں، یہ دورہ چین اور فلسطین کے درمیان اعلیٰ سطح کے دوستانہ تعلقات کی نمائندگی کرتا ہے۔

انہوں نے مزید کہا کہ چین نے ہمیشہ فلسطینی عوام کے جائز قومی حقوق کی بحالی کے لیے ان کی حمایت کی ہے،یاد رہے کہ گزشتہ روز خبری ذرائع نے اعلان کیا کہ فلسطینی اتھارٹی کے سربراہ ابو مازن 13 سے 16 جون تک یعنی آئندہ چند دنوں میں چینی صدر شی جن پنگ کی دعوت پر بیجنگ کا دورہ کریں گے،

بعض ذرائع نے ابو مازن کے دورہ چین کو رملہ اور تل ابیب کے درمیان مفاہمتی مذاکرات دوبارہ شروع کرنے کی بیجنگ کی کوششوں کے مطابق قرار دیا ہے ، تاہم اس کی سرکاری ذرائع سے تصدیق یا تردید نہیں کی گئی۔