ہمارے خلاف بغاوت ہونے والی ہے:نیتن یاہو کے حامی

?️ 28 جنوری 2023

سچ خبریں:صیہونی کابینہ کے عدالتی مشیر کے نام ایک خط میں اس حکومت کی نئی کابینہ کی اتحادی جماعتوں کے رہنماؤں نے اپنے فرائض کی انجام دہی میں نااہلی کی وجہ سے "بنیامین نیتن یاہو” کو ان کے عہدے سے ہٹائے جانے کی افواہوں کا حوالہ دیتے ہوئے لکھا ہے کہ ان کی برطرفی نئی کابینہ کے خلاف غیر قانونی فوجی بغاوت کی کوشش ہے۔

سما خبر رساں ایجنسی کی رپورٹ کے مطابق صیہونی وزیر انصاف یاریو لیون، وزیر خزانہ بیزلیل اسموٹریچ، شاس پارٹی کے رہنما آریہ دری، ہاؤسنگ کے وزیر اسحاق گولڈکنوب، داخلی سلامتی کے وزیر ایتمار بن گوئیر اور "آیوی ماعوز” کے رہنما ،نوم پارٹی اور صیہونی حکومت کی پارلیمنٹ کے مالیاتی کمیشن کے سربراہ موشی گفنی نے کابینہ کے عدالتی مشیر گالی بحرف میارہ کو خطاب کرتے ہوئے ایک خط میں لکھا ہے کہ اپنی ذمہ داریاں نبھانے میں وزیر اعظم کی نااہلی کی باتیں انہیں معزول کرنے کی غیر قانونی کوشش ہے۔

اس خط پر دستخط کرنے والوں نے نیتن یاہو کی کابینہ کے جوڈیشل ایڈوائزر کو لکھا کہ حالیہ دنوں میں میڈیا میں متعدد رپورٹس آئی ہیں کہ آپ اسرائیل کے وزیر اعظم کو ان کے عہدے سے ہٹانے کے امکان پر بات کر رہے ہیں، انہوں نے مزید کہا کہ حیرت کی بات یہ ہے کہ اب تک ان خبروں کی تردید نہیں کی گئی۔

خط پر دستخط کرنے والوں نے کہا کہ نیتن یاہو کو نااہل قرار دینے اور منتخب نیز جائز کابینہ کو برطرف کرنے اور ان کا تختہ الٹنے کی کوشش ایک واضح اور غیر قانونی عمل ہے،دنیا میں کہیں بھی ایسا نہیں ہوتا کہ اکثریت کے ووٹوں سے اقتدار میں آنے والی کابینہ کے سربراہ کے خلاف سازش کی جائے۔

نیتن یاہو کی کابینہ کی اتحادی جماعتوں کے رہنماؤں نے کہا کہ زیادہ تر صہیونیوں نے چند ماہ قبل اس اتحاد کی جماعتوں اور وزیر اعظم کا انتخاب کیا، انہوں نے مزید کہا کہ کنیسٹ نے اتحاد اور وزیر اعظم پر اعتماد کیا، اسی لیے کنیسیٹ کے نمائندوں کے پاس یہ اختیار نہیں ہے کہ وہ وزیر اعظم کو برطرف کرے اور قانونی کابینہ کا تختہ الٹ دے اس لیے کہ یہ سراسر غیر قانونی ہے۔