کیوبا نے ٹرمپ کی دھمکیوں پر خبردار کیا

سچ خبریں:کیوبا کے صدر میگوئل ڈیاز-کانیل نے امریکی فوجی دھمکیوں کو غیرمعمولی اور خطرناک قرار دیا ہے۔

 انہوں نے کیوبا کی عوام کی اقتصادی اور سیاسی دباؤ کے خلاف مزاحمت پر زور دیتے ہوئے فلسطین کے حق اور لبنان کی مزاحمت کی حمایت جاری رکھنے پر بھی تاکید کی۔

کیوبا کے صدر نے کہا  کہ امریکی صدر نے کیوبا کے خلاف فوجی جارحیت کی اپنی دھمکیوں کو خطرناک اور غیرمعمولی سطح پر پہنچا دیا ہے۔

انہوں نے مزید کہا کہ کوئی بھی جارح، خواہ کتنا ہی طاقتور کیوں نہ ہو، کبھی بھی کیوبا کو ہتھیار ڈالتے نہیں دیکھے گا۔ بلکہ اسے ایک قوم کا سامنا ہوگا جو اپنی سرزمین کے ہر انچ پر اپنی خودمختاری اور آزادی کا دفاع کرنے کے لیے پرعزم ہے۔

کیوبا کے صدر نے یہ سوال اٹھایا کہ عالمی برادری کو فیصلہ کرنا ہوگا کہ کیا وہ ایک مجرمانہ اور خطرناک اقدام کو صرف (امریکہ میں) ایک امیر اور بااثر اقلیت کے مفادات کے لیے کرنے دے گی؟

انہوں نے ٹرمپ کے ایگزیکٹو آرڈر کو معاشی دباؤ کے ذریعے کیوبا پر ایک مخصوص سیاسی ماڈل مسلط کرنے کی کھلی کوشش قرار دیا۔

کیوبا کے صدر نے آخر میں تاکید کی کہ ان کا ملک فلسطین کے حق، لبنان کے عوام کے حقوق، بولیویرین انقلاب (وینزویلا) اور صدر مادورو کی آزادی کی حمایت جاری رکھے گا۔