کیلیفورنیا میں فائرنگ اور یرغمالی کے واقعات/ 5 افراد ہلاک

?️ 27 جولائی 2021

سچ خبریں:امریکہ کے صوبے کیلیفورنیا میں فائرنگ اور یرغمال بنائے جانے کے واقعے میں پولیس کے اعلی عہدہ دار سمیت پانچ افراد ہلاک ہوگئے۔

فاکس 11 ٹیلی ویژن چینل کی رپورٹ کے مطابق امریکہ کے کیلیفورنیا صوبے میں فائرنگ اور یرغمال بنائے جانے والے واقعے میں پانچ افراد ہلاک ہوگئے، فاکس نیوز نے بھی اطلاع دی ہے کہ کیلیفورنیا کے سان جوکون ویلی کے علاقے میں فائرنگ اور یرغمال بنائے جانے کا واقعہ پیش آیا ، جس میں پولس کا ایک اعلی عہد ہ دار اور چار دیگر ہلاک ہوگئے۔

شہرکے عہدیداروں کا کہنا ہےکہ ملزم نے اس وقت فائرنگ کی جب خصوصی دستوں نے اس کے گھرکو محاصرے میں لے کر اس کے قریب جانے کی کوشش کی،یادرہے کہ اس واقعے میں پولیس کے دو اعلی عہدہ داروں کو گولی لگی جن میں سے ایک زخموں کی تاب نہ لاتے ہوئے دم توڑ گیا، اسی طرح تین دیگر افراد جو گھر کے اندر تھے اور بندوق بردارنےجس ان کو یرغمال بنا رکھا تھا ،ہلاک ہوگئے۔

پولیس کا کہنا ہے کہ انہوں نے تحقیقات کا آغاز کردیا ہے،واضح رہے کہ اگرچہ ریاستہائے متحدہ میں فائرنگ کے واقعات اور ان واقعات میں ہلاکتوں کی کثیر تعداد سے متعلق روزانہ کی بنیاد پر بہت سی خبریں آرہی ہیں ،تاہم اسلحے رکھنے کی حامی طاقتور لابی اس ملک میں اسلحہ رکھنے پر پابندی لگانے والے قانون کو منظور کرنے کی اجازت نہیں دیتی ہے۔

قابل ذکر ہے کہ امریکہ میں آتشیں اسلحے کی دستیابی اور دکانوں میں مختلف اقسام کے آتشیں اسلحہ کی فروخت سے زیادہ تر لوگ ذاتی آتشیں اسلحہ کے مالک بن گئے ہیں یہی وجہ ہے کہ اس ملک میں آتشیں اسلحے کی تعداد بہت زیادہ ہے۔