سچ خبریں:ایک کویتی وفد نے صیہونی وفد کی موجودگی کی وجہ سے بحرین میں ہونے والی نسشت میں شرکت نہیں کی۔
عربی 21 کی رپورٹ کے مطابق کویت میں یروشلم کے حامیوں کی بین الاقوامی یونین نے اعلان کیا ہے کہ اس نے صیہونی حکومت کے وفد کی شرکت کی وجہ سے بحرین میں ہونے والے اجلاس میں اپنی شرکت منسوخ کردی ہے۔
رپورٹ کے مطابق یونیورسٹی آف بحرین کے اسکول آف بزنس ایڈمنسٹریشن نے مڈل ایسٹ فار جنرل ڈویلپمنٹ آف بزنس ایڈمنسٹریشن (بزنس اداروں کی ترقی کے لیے مشرق وسطیٰ کی میٹنگ) کے عنوان سے ایک میٹنگ کا اعلان کیا جس میں خلیج فارس کے ساتھ متعدد کاروباری اداروں نے شرکت کیم لیکن اس نے اعلان نہیں کیا تھا کہ اس اجلاس میں صہیونی وفد بھی موجود ہے۔
کویت میں قدس کے حامی نوجوانوں کے گروپ کے سربراہ مصعب المطواع نے کہا کہ اجلاس سے کویت کی دستبرداری صیہونی حکومت کے ساتھ تعلقات کو معمول پر لانے کے اقدام کو مسترد کرنے کے بارے میں کویت کے سرکاری موقف کی نشاندہی کرتی ہے۔
انہوں نے مزید کہا کہ اس طرح کے موقف غاصب صیہونی حکومت کے گلے کی ہڈی اور اس کے خلاف دباؤ کا لیور بن چکے ہیں،درایں اثنا حماس کے ترجمان حازم قاسم نے کویت کے موقف کی تعریف کرتے ہوئے کہا کہ اجلاس سے دستبردار ہو کر کویت نے اپنے حقیقی عرب موقف کی توثیق کی۔
انہوں نے زور دے کر کہا کہ یہ موقف فلسطینی عوام کے لیے کویت کی مسلسل حمایت اور ان کے حقوق کے لیے اس ملک کی جدوجہد کی نشاندہی کرتا ہے۔
