پاکستان میں فلسطین کی حمایت میں سینکڑوں ڈاکٹروں کا مارچ

?️ 11 دسمبر 2023

سچ خبریں:فلسطینی عوام کی حمایت اور اسرائیلی حکومت کے جرائم کی مذمت کی لہر کے تسلسل میں سینکڑوں پاکستانی ڈاکٹر سڑکوں پر آگئے۔

اتوار کے روز سینکڑوں پاکستانی ڈاکٹروں اور امدادی کارکنوں نے اپنے فلسطینی ہم منصبوں کو خراج تحسین پیش کرنے کے لیے کراچی میں مارچ کیا جو غزہ میں اسرائیلی فضائی حملوں اور اسپتالوں پر بمباری کے باوجود اپنے فرائض سرانجام دے رہے ہیں۔

اس مارچ میں شامل افراد سفید لباس پہنے اور فلسطینی ترنگا لہراتے ہوئے آغا خان اسپتال کے سامنے جمع ہوئے مظاہرین نے آزاد کرو فلسطین، آزاد کرو غزہ اور مرگ بر اسرائیل جیسے نعرے لگاتے ہوئے مارچ کیا۔

پاکستان کی اہم مذہبی اور سیاسی جماعت جماعت اسلامی کراچی کے سربراہ حافظ نعیم الرحمن نے اس ریلی سے خطاب میں اقوام متحدہ کی سلامتی کونسل کی جنگ بندی کی قرارداد کو ویٹو کرنے پر امریکہ کی مذمت کی۔

فلسطینی ڈاکٹروں اور امدادی کارکنوں کو خراج تحسین پیش کرتے ہوئے انہوں نے کہا کہ ایک طرف اسرائیلی فورسز بچوں اور خواتین سمیت نہتے فلسطینیوں کو شہید کرتی ہیں اور دوسری طرف جان بوجھ کر طبی مراکز کو نشانہ بناتی ہیں۔

اس علاقے پر 7 اکتوبر سے جاری مسلسل فضائی اور زمینی حملوں میں اب تک کم از کم 17 ہزار 700 فلسطینی شہید اور 48 ہزار 780 سے زائد زخمی ہو چکے ہیں۔

پاکستان کی وزارت خارجہ نے ہفتے کے روز غزہ میں جنگ بندی کے قیام میں ناکامی پر اقوام متحدہ کی سلامتی کونسل کو تنقید کا نشانہ بنایا۔
پاکستان کی وزارت خارجہ نے ایک بیان میں اعلان کیا کہ پاکستان کو شدید مایوسی ہے کہ اقوام متحدہ کی سلامتی کونسل نے غزہ میں دوبارہ جنگ بندی کا مطالبہ نہیں کیا۔