دنیا

ٹرمپ نے ارجنٹائن میں حزبِ میلی کی انتخابی کامیابی کو امریکی مدد کا نتیجہ قرار دیا

28
اکتوبر

?️ 28 اکتوبر 2025

امریکی صدر ڈونالڈ ٹرمپ نے کہا ہے کہ ارجنٹائن میں حکمراں جماعت میلی کی حالیہ وسط مدتی انتخابات میں کامیابی امریکہ کی حمایت اور مالی مدد کی مرہونِ منت ہے۔

امریکی جریدے فوربز کے مطابق، ٹرمپ نے صحافیوں سے گفتگو میں کہا کہ ارجنٹائن کے صدر خاویر میلی کو انتخابات سے قبل واشنگٹن کی جانب سے نمایاں مدد فراہم کی گئی تھی۔

انہوں نے کہا کہ انتخابات سے پہلے امریکہ نے ارجنٹائن کو 40 ارب ڈالر کا امدادی پیکیج فراہم کیا تاکہ میلی کی پوزیشن مضبوط ہو سکے۔ ٹرمپ کے بقول،ہم نے اسے بڑی مدد دی، میں نے ذاتی طور پر اس کی بھرپور حمایت کی۔

ٹرمپ نے اپنے وزیر خزانہ اسکاٹ بسنت سمیت کئی اعلیٰ عہدیداروں کا شکریہ ادا کیا جنہوں نے ارجنٹائن کے لیے اس امدادی منصوبے کی نگرانی کی۔

انہوں نے کہا،ہم لاطینی امریکہ کے کئی ممالک کے ساتھ قریبی تعاون رکھتے ہیں، اور ہماری توجہ اس خطے پر مرکوز ہے۔

ٹرمپ کے مطابق، امریکی حمایت میں 20 ارب ڈالر کا کرنسی ایکسچینج معاہدہ اور 20 ارب ڈالر کا قرضہ سرمایہ کاری فنڈ شامل تھا۔

انہوں نے مزید کہا، ہمیں اس انتخاب سے مالی فائدہ بھی ہوا، کیونکہ ارجنٹائن کے بانڈز کی قدر بڑھی اور اس کی کریڈٹ ریٹنگ میں بہتری آئی، لیکن ہمارا مقصد صرف پیسہ کمانا نہیں تھا۔

وزیر خزانہ بسنت نے اس امداد کو میلی کے معاشی منصوبے کی حمایت کے لیے ایک پل” قرار دیتے ہوئے کہا کہ "وہ سو سال کی غلط پالیسیوں کے خلاف لڑ رہا ہے، اور امریکی مدد سے وہ کامیاب ہوگا۔

بین الاقوامی ریٹنگ ایجنسی فیچ کے مطابق، امریکی حمایت نے ارجنٹائن کی کریڈٹ ریٹنگ میں مزید کمی کو روکا ہے، تاہم ملک کو مستقبل میں اپنی زرمبادلہ کی پوزیشن بہتر بنانے کے لیے جامع منصوبہ پیش کرنا ہوگا۔

Short Link

Copied