ٹرمپ سے بڑے بڑے بھی غزہ کا کچھ نہیں بگاڑ سکے:حماس

سچ خبریں:حماس کے ثقافتی مشیر نے زور دے کر کہا کہ فلسطینیوں کو بے دخل کرنے کا منصوبہ کوئی نیا نہیں ہے، بلکہ یہ ایک پرانا منصوبہ ہے، فلسطین کے خلاف سازشیں 1917 میں برطانوی قبضے کے وقت سے شروع ہوئیں اور آج تک جاری ہیں۔  

یہ بھی پڑھیں:ٹرمپ کا غزہ کے بارے میں خواب؛ جسے اتحادیوں میں بھی پذیرائی نہیں مل رہی  

امریکی صدر ڈونلڈ ٹرمپ نے صیہونی حملوں کی وجہ سے غزہ کی پٹی میں ہونے والی تباہی کو بہانہ بنا کر غزہ کے مکمل انخلا اور اس کے باشندوں کو مصر، اردن جیسے ہمسایہ عرب ممالک میں منتقل کرنے کا مطالبہ کیا ہے، اس کے ساتھ ہی وہ اس 365 کلومیٹر لمبی پٹی پر امریکی تسلط چاہتے ہیں۔

امریکی صدر کا دعویٰ ہے کہ اس منصوبے کا مقصد فلسطینیوں کو تشدد اور بے چینی سے دور رکھتے ہوئے ان کی سلامتی اور سکون کو یقینی بنانا ہے اور مصر اور اردن کو اس امریکی منصوبے کو قبول کرنا چاہیے۔

 ٹرمپ کا کہنا ہے کہ وہ فلسطینیوں کی سلامتی اور سکون کے لیے کوشاں ہیں حالانکہ اب تک انہوں نے فلسطینیوں کے قتل عام میں سب سے بڑا کردار ادا کیا ہے، صیہونی حکومت کو امریکہ کی طرف سے غزہ میں نسل کشی کے لیے مہلک ترین جنگی ہتھیاروں سے لیس کیا گیا ہے۔

ٹرمپ کے بیان پر متعدد ممالک، خاص طور پر مصر اور اردن، نے منفی رد عمل ظاہر کیا، فلسطینیوں نے اس منصوبے کو خطرناک قرار دیتے ہوئے اسے نسلی صفائی کی دعوت قرار دیا، یہ بات بھی قابل ذکر ہے کہ ٹرمپ کا ایک اور مقصد امریکی نقطہ نظر کے مطابق خطے کا نیا نقشہ بنانا اور غزہ کی پٹی کو صیہونی مقبوضہ علاقوں میں شامل کرنا ہے۔

فلسطینی اسلامی مزاحمتی تحریک (حماس)، برطانیہ، اقوام متحدہ، اردن کے بادشاہ، سعودی عرب کے خفیہ ادارے کے سابق سربراہ، چین، محمود عباس اور مسجد اقصیٰ کے خطیب نے غزہ کے لوگوں کو جبری طور پر بے دخل کرنے پر مبنی ٹرمپ کے بیان پر رد عمل ظاہر کیا اور اسے مسترد کر دیا۔

 ٹرمپ کا بیان صیہونی قبضہ کاروں کے علاقے کو بڑھانے کے لیے ایک خطرناک اقدام ہے، یہ بیان اسلامی ممالک کے خلاف ہے اور غزہ کے باشندوں کو بے گھر کرنے کی کوشش ہے، عرب اور اسلامی ممالک کو اس سازشی منصوبے کے خلاف کھڑا ہونا چاہیے جو خطے کے تمام قوموں کو نشانہ بنا رہا ہے۔

حماس کے ثقافتی مشیر شیخ حسین قاسم، جو حماس کے ایک وفد کے ساتھ محمد اسماعیل درویش کی قیادت میں حال ہی میں ایران گئے تھے اور ایرانی حکام سے ملے تھے، نے ایک انٹرویو میں فلسطینیوں کو جبری طور پر بے دخل کرنے کے منصوبے اور اسلامی جمہوریہ ایران کے فلسطین کی حمایت میں کردار پر روشنی ڈالی۔

شیخ حسین قاسم نے انٹرویو کے آغاز میں کہا کہ فلسطینیوں کو بے دخل کرنے کا منصوبہ کوئی نیا نہیں ہے، بلکہ یہ ایک پرانا منصوبہ ہے۔ انہوں نے کہا کہ فلسطین کے خلاف سازشیں 1917 میں برطانوی قبضے کے وقت سے شروع ہوئیں اور آج تک جاری ہیں، فلسطینیوں کو بے دخل کرنے کا منصوبہ 1948 کے بعد 1956 میں باقی ماندہ فلسطینیوں کے لیے شروع کیا گیا تھا۔

انہوں نے مزید کہا کہ 1970 میں تمام اخبارات میں یہ سرخی تھی کہ فلسطینیوں کو جلاوطن کیا جائے گا، 1970 میں ہم نے دیکھا کہ غزہ کی پٹی مکمل طور پر صہیونی حکومت کے قبضے میں آ گئی، 1967 میں غزہ کی پٹی کے ساتھ ساتھ صحرائے سینا بھی مکمل طور پر صہیونیوں کے قبضے میں تھا۔

 اگر وہ فلسطینیوں کو سینا میں جلاوطن کر سکتے تو وہ پورا علاقہ ان کے کنٹرول میں آ جاتا، فلسطینی قوم کے اپنی سرزمین سے گہرا لگاؤ نے ہی اس انخلا کو روکا، مزاحمت اور بین الاقوامی حمایت سے پہلے، عوام کا جذبہ سب سے بڑا ہتھیار ہے جو ایسی سازشوں کو ناکام بنا دیتا ہے۔

انہوں نے مزید کہا کہ ہم سب جانتے ہیں کہ غزہ میں کیا قتل عام اور مظالم ہوئے ہیں، ایک ڈاکٹر نے بتایا کہ ایک 60 سالہ بوڑھا شخص اپنے گھر کے ملبے پر بیٹھا تھا، اس نے وہاں ایک خیمہ لگا رکھا تھا اور وہیں رہ رہا تھا، بوڑھے شخص کی بیوی اور بچے گھر کے ملبے تلے دبے ہوئے تھے، اور اس نے انہیں دفن نہیں کیا تھا بلکہ ان پر ہی رہ رہا تھا، عمر کا بوجھ اس شخص پر اثر انداز نہیں ہوا تھا، ڈاکٹر نے اسے اپنے ساتھ لے جانے کی کوشش کی، لیکن اس نے انکار کر دیا اور کہا کہ یا تو میں شہید ہو جاؤں گا یا اپنی سرزمین کے ساتھ اپنے عہد کو پورا کروں گا۔

انہوں نے کہا کہ ہم فلسطینی اپنی زمین سے محبت نہیں کرتے بلکہ فلسطین ہم سے محبت کرتا ہے، ڈاکٹر نے بوڑھے شخص سے پوچھا کہ کیا آپ کے پاس فون ہے؟ بوڑھے شخص نے جواب دیا: نہیں۔ ڈاکٹر نے دوبارہ پوچھا: کیا آپ کے پاس کھانا ہے؟ اس نے جواب دیا: روزی تو اللہ دیتا ہے۔ ڈاکٹر اس قدر لگاؤ کو دیکھ کر حیران رہ گیا، اور وہ بھی بغیر پانی اور کھانے کے۔

یہ فلسطینی قوم کے اپنی سرزمین سے لگاؤ کی ایک مثال ہے، جسے وہ کبھی نہیں چھوڑیں گے، دنیا کی تمام سازشیں، ٹرمپ اور ٹرمپ سے بھی زیادہ طاقتور کوئی بھی فلسطینیوں کو ان کی سرزمین سے بے دخل نہیں کر سکتا۔

حماس کے ثقافتی مشیر نے اپنی بات جاری رکھتے ہوئے کہا کہ فلسطینی قوم ایک مضبوط قوم ہے، مغربی کنارہ غزہ سے بھی زیادہ محاصرے میں ہے اور درحقیقت وہ اپنے پاس موجود چیزوں کے ساتھ ہی مزاحمت کر رہا ہے۔

 صحرائے سینا سے غزہ تک اسمگلنگ کے راستے تھے، لیکن مغربی کنارہ میں اسمگلنگ کرنا بہت مشکل ہے، اس کے باوجود ہم دیکھتے ہیں کہ جنین اور طولکرم میں لڑائی جاری ہے، جبکہ صہیونیوں کے پاس اتنا اسلحہ ہونے کے باوجود وہ ایک گاؤں میں داخل نہیں ہو سکے۔

وہ تباہی مچاتے ہیں، لیکن وہاں ٹھہر نہیں سکتے، جہاد جاری ہے،غزہ میں جنگ بندی ہو گئی ہے، لیکن مغربی کنارہ میں جہاد اپنے راستے پر چل رہا ہے، ہماری قوم کے پاس بہت کم وسائل ہیں، اور اس کی طاقت ان کے عزم سے میدان میں آتی ہے، خود مختار اتھارٹی بھی ایک مقبوضہ اتھارٹی ہے، اس کے پاس فیصلہ سازی کی طاقت نہیں ہے اور وہ حقیقت کو تبدیل نہیں کر سکتی۔

شیخ حسین قاسم کے مطابق، اسلامی جمہوریہ ایران نے انقلاب کے بعد سے، جسے 46 سال ہو چکے ہیں، فلسطین کی مدد میں کوئی کسر نہیں چھوڑی ہے۔

 امام خمینی نے، جب وہ عراق میں تھے، ایران واپس آنے سے پہلے، یہ فتویٰ دیا تھا کہ فلسطین کی مزاحمت کو خمس اور زکات دینا جائز ہے، حالانکہ اس وقت فلسطین کی مزاحمت کو مارکسزم، سوشلزم، اور بائیں بازو سے جوڑا جاتا تھا نیز اسلامی جہادی تحریکیں اور حماس ابھی وجود میں نہیں آئی تھیں، جب ایرانی انقلاب کامیاب ہوا، تو امام خمینی نے سب سے پہلے صہیونیست حکومت کے سفارت خانے کو بند کر دیا اور اس کا پرچم اتار کر فلسطین کا پرچم لہرایا۔

انہوں نے مزید کہا کہ امام خمینی نے مسلمانوں کے درمیان اتحاد اور فلسطین کی حمایت کے لیے آخری جمعہ رمضان کو یوم القدس کے طور پر منانے کا اعلان کیا۔

 اب آیت اللہ خامنہ ای نے امام خمینی کے راستے کو جاری رکھا ہے، یہ کوئی تعجب کی بات نہیں ہے کہ حماس کا ایک وفد محمد اسماعیل درویش کی قیادت میں ایران آیا اور رہبر انقلاب اور ایرانی حکام سے ملنے اور بات چیت کرنے کی خواہش ظاہر کی۔

ایران، لبنان، یمن، اور عراق نیز مزاحمتی محاذ کے حامی بھائیوں کی کی مدد سے ان شاء اللہ، ہم صہیونی حکومت کو ختم کر دیں گے، ایرانی اسلامی انقلاب تمام آزادی کی تحریکوں کے لیے ایک منفرد نمونہ ہے،ان شاء اللہ، جب فلسطین آزاد ہو گا، تو وہ اسلامی جمہوریہ ایران کے طرز حکمرانی سے فائدہ اٹھائے گا، لبنان اور غزہ میں کامیابیوں کا ایرانی انقلاب کی سالگرہ کے ساتھ ہم وقت ہونا ایک مضبوط محرک ہے کہ کامیابی قریب ہے۔

حماس کے ثقافتی مشیر نے اپنی بات ختم کرتے ہوئے کہا کہ جو کوئی بھی اپنی سرزمین کو قبضے سے آزاد کرانا چاہتا ہے، اسے اپنے بچوں کے دلوں میں صحیح عقیدہ پیدا کرنا چاہیے، یہی وہ چیز ہے جس پر غزہ کے ثقافتی دانشور توجہ مرکوز کر رہے ہیں۔

غزہ کے زیادہ تر مجاہدین حافظ قرآن ہیں، فلسطین دنیا کے دیگر علاقوں کی طرح نہیں ہے، جہاں آپ ایک آیت یا ایک سورت پڑھ سکتے ہیں، بلکہ یہاں پورے قرآن کو سورہ فاتحہ سے لے کر سورہ الناس تک پڑھنا اور یاد کرنا ضروری ہے۔

مزید پڑھیں:غزہ سے کوئی بے دخلی نہیں ہوگی: اسرائیلی صحافی

قرآن حفظ کرنے میں آٹھ سے دس سال لگ سکتے ہیں، فلسطینی قوم کا عقیدہ ہے، اور وہ جانتے ہیں کہ دنیا کی کوئی قدر نہیں ہے، اور ہم سب یہاں مہمان ہیں۔ وہ اسی عقیدے کے ساتھ بڑھتے ہیں اور اپنی روح اور جسم کو قربان کر دیتے ہیں، عقیدے کی راہ میں ہم اپنے رہنماؤں کو بھی قربان کر دیتے ہیں، جیسے شہید قاسم سلیمانی، شہید اسماعیل ہنیہ، شہید صالح العاروری، شہید سید حسن نصراللہ، اور شہید سید ہاشم صفی الدین۔