ٹرمپ ایک خودخواہ شخص ہیں:امریکی عہدہ دار

?️ 12 ستمبر 2022

سچ خبریں:وائٹ ہاؤس کے سابق وکیل نے ٹرمپ کو خود پسند قرار دیتے ہوئے کہا کہ وہ اپنے مفادات کے علاوہ کسی چیز کے بارے میں نہیں سوچ سکتے۔

وائٹ ہاؤس کے سابق وکیل ٹائی کوب نے کہا کہ سابق امریکی صدر ایک شدید بیمار اور خود خواہ انسان ہیں نیز ان کے زیادہ تر فیصلے زہریلی خصلتوں پر مبنی ہیں، ٹائی کوب نے سی بی ایس نیوز چینل کو انٹرویو دیتے ہوئے اس سوال کے جواب میں کہ کیا ٹرمپ کو شخصیت کا مسئلہ ہے اس لیے کہ انہوں نے شکست تسلیم کرنے سے انکار کر دیا حالانکہ ان کے معاونین نے شکشت قبول کر لی، کہا کہ ٹرمپ اپنے مفادات کے علاوہ کچھ نہیں سوچ سکتے۔

انہوں نے کہا کہ ٹرمپ ایک بیمار اور خود خواہ شخصیت کے مالک ہیں،یاد رہے کہ کوب جو ٹرمپ کے مفاہمت پر مبنی نقطہ نظر کی مخالفت کی وجہ سے وائٹ ہاؤس سے باہر نکل گئے تھے ، نے اس انٹرویو کے دوران فلوریڈا میں ٹرمپ کی حویلی پر ایف بی آئی کے چھاپے اور 6 جنوری 2021 کو انتخابات کے بعد ہونے والے فسادات کی وسیع تر تحقیقات کے حصے کے طور پر خفیہ دستاویزات کے جمع ہونے کو بیان کیا۔

یاد رہے کہ حال ہی میں امریکی فیڈرل پولیس نے ٹرمپ کی حویلی سے انتہائی خفیہ دستاویزات اکٹھی کیں، جن کے بارے میں یہ بھی کہا جاتا ہے کہ ان میں کسی دوسرے ملک کے ایٹمی پروگرام سے متعلق دستاویزات بھی تھیں۔