نیتن یاہو نہیں تو دوسرے صیہونی انتہاپسند؛نیویارک ٹائمز کی رپورٹ

?️ 3 جون 2021

سچ خبریں:انیو یارک ٹائمز نے 12 سال بعد نیتن یاہو کو سیاست سے الگ کیے جانے کے معاملے پر ایک رپورٹ پیش کی ہے۔
امریکی میگزین نیو یارک ٹائمزنے اپنی ایک رپورٹ میں صیہونی حکومت میں نئی کابینہ کے تشکیل کا جائزہ لیتے ہوئے لکھا کہ آیا اس مسئلے سے صیہونیوں کی سیاست میں کوئی تبدیلی آئے گی یا نہیں ،میگزین نے اپنی ویب سائٹ پر ایزابل کرشنر کا ایک تجزیہ نشر کیا ہے جس میں انھون نے میں نئی صیہونی کابینہ کی تشکیل کے بارے میں لکھتے ہوئے کہا کہ بفتالی بینیٹ ، جو ایک چھوٹی دائیں بازو کی جماعت کے رہنما ہیں اور اسرائیلی حزب اختلاف کے اعتدال پسند رہنما ، یائیر لاپیڈ کے ساتھ ایک ایسا اتحاد بنانے کی کوشش کر رہے ہیں جو اسرائیلی وزیر اعظم بنیامین نیتن یاہو کو اقتدار سے ہٹانے کے لئے متحد ہوئے ہیں اور اس کو کابینہ کی تبدیلی کا نام دیا گیاہے ۔

رپورٹ میں مزیدآیا ہے کہ یہ اتحاد دائیں بائیں بازو جماعتوں سے مل کر ایک وسیع سیاسی میدان سے بنا ہے جبکہ اس کا انحصار ایک چھوٹی سی عرب پارٹی کی حمایت پر ہے جو اسرائیل کے لئے گہری تبدیلی ثابت ہوسکتی ہے اوراس کے قائدین اسرائیل میں تفرقہ انگیز سیاست اور بے نتیجہ انتخابات کے چکر کو ختم کرنے کے لئے پرعزم ہیں ۔

واضح رہے کہ اسرائیلی حزب اختلاف کی جماعتوں نے بدھ کے روز اتحادی معاہدے کا اعلان کیا،تاہم اگر انہیں پارلیمنٹ میں اعتماد کا ووٹ مل جاتا ہے اور وہ کابینہ تشکیل دیتے ہیں نیزاسرائیلی وزیر اعظم کی حیثیت سے سب سے طویل عرصے تک اقتدار رکھنے والے نیتن یاہو کا تختہ پلٹ دیتے ہیں تو اب دیکھنا یہ ہے کہ کیا وہ اسرائیل کی سیاست میں تبدیلی لاسکیں گے یا نہیں،رپورٹ میں یہ بھی کہا گیا ہے کہ بینیٹ ، جس کی پارٹی کی پارلیمنٹ میں سات نشستیں ہیں ،انھیں نیتن یاہو سے زیادہ دائیں بازو کا سمجھا جاتا ہے ،اگر نیتن یاھو نے اسرائیل فلسطین تنازعہ کے دو ریاستی حل کو مسترد کیا ہے تو نفتالی مقبوضہ مغربی کنارے میں یہودی آبادکاری کے چیمپئن ہیں نیزانھوں نے آزاد فلسطینی ریاست کے قیام کی مخالفت اور مغربی کنارے کو اسرائیل کے ساتھ الحاق کرنے کی کھلی حمایت کی ہے۔