ناروے کے دارالحکومت میں میونسپلٹی کی عمارت پر فلسطینی پرچم

?️ 30 نومبر 2023

سچ خبریں: اوسلو میونسپلٹی نے غزہ کے عوام کے ساتھ اظہار یکجہتی کے لیے اپنی عمارت کے سامنے فلسطینی پرچم لہرانے کا اعلان کیا۔

یورو نیوز ٹی وی چینل کی رپورٹ کے مطابق اوسلو کی میونسپلٹی نے غزہ کے مکینوں کے ساتھ اظہار یکجہتی کے طور پر ناروے کے دارالحکومت میں اپنی عمارت کے سامنے فلسطینی پرچم لہرایا۔

یہ بھی پڑھیں: کویتی عوام کا فلسطینی عوام کے ساتھ یکجہتی کا اعلان

یاد رہے کہ یہ اقدام 29 نومبر کو کیا گیا جسے اقوام متحدہ کی جنرل اسمبلی کی درخواست پر 1978 سے فلسطینی عوام کے ساتھ یکجہتی کا عالمی دن کا نام دیا گیا ہے۔

اوسلو کی میئر این لِنڈبو نے اس موقع پر ایک تقریب جس میں فلسطین کے حامیوں کی بڑی تعداد بھی موجود تھی، کے دوران پر اے ایف پی کو بتایا کہ جب ہم دیکھتے ہیں کہ 5 ہزار سے زائد بچے یا دوسرے لفظوں میں یوں کہا جائے کہ 275 سے زائد کلاس رومز کے طلباء اپنی جانوں سے ہاتھ دھو بیٹھے تو ان کی یادداشت کا احترام کرنا فطری امر ہے۔

مزید پڑھیں:فلسطینی عوام کے ساتھ اظہار یکجہتی کے لیے جنوبی افریقہ کا عملی اقدام

لِنڈبو نے مزید کہا کہ اس بات پر زور دینا بہت ضروری ہے کہ اوسلو کو ہر ایک کے لیے ایک شہر ہونا چاہیے، جہاں وہاں رہنے والی چھوٹی یہودی اقلیت کے ساتھ ساتھ فلسطینیوں کو خود کو محفوظ محسوس کرنا چاہیے۔