سچ خبریں:فلسطینی اتھارٹی کے محکمہ خارجہ نے ایک بیان جاری کرتے ہوئے عالمی برادری سے مطالبہ کیا ہے کہ وہ مقبوضہ فلسطینی علاقوں میں صیہونی بستیوں کی غیر قانوی تعمیرات کے تسلسل کے خلاف عملی اقدام اٹھائے۔
العہد نیوز چینل کی رپورٹ کے مطابق ،فلسطینی اتھارٹی کے محکمہ خارجہ نے صہیونی حکومت کی طرف سے مقبوضہ علاقوں میں صیہونی بستیوں کی تعمیر کے تسلسل سے متعلق ایک بیان جاری کیا، وزارت نے اپنےبیان میں کہا کہ اسرائیل مقبوضہ بیت المقدس اور مغربی کنارے میں فلسطینیوں کے گھروں کو تباہ کر رہا ہے ، جس کے نتیجے میں مزید فلسطینی بے گھر ہوگئے ہیں۔
فلسطینی اتھارٹی کے محکمہ خارجہ نےاپنے بیان میں مزید کہاکہ فلسطینی مکانات کے انہدام کا بنیادی مقصد نوآبادیاتی تصفیہ منصوبے کو تیز کرنا ہے،واضح رہے کہ مقبوضہ علاقوں میں بستیوں کی تعمیر کے ساتھ ہی فلسطینیوں کی گرفتاریوں کی لہر میں بھی شدت آگئی ہے، وزارت نےاپنے بیان میں مقبوضہ فلسطینی علاقوں میں اسرائیلی آباد کاریوں کو روکنے کے لئے عالمی برادری کی طرف سے فوری طور پر اور عملی کاروائی کا مطالبہ کیا۔
واضح رہے کہ اس سے قبل بھی فلسطینی اتھارٹی کے ترجمان نبیل ابو ردینه نے کہا تھا کہ مقبوضہ علاقوں میں اسرائیلی آباد کاری کا نیا منصوبہ بین الاقوامی قانون کی خلاف ورزی ہے، فلسطینی اتھارٹی کے عہدیدار نے بھی عالمی برادری سے مطالبہ کیا کہ وہ مقبوضہ علاقوں میں صیہونی حکومت کی آبادکاری کی پالیسی کے تسلسل کو روکنے کے لئے متحرک ہوتاہم عالمی برادری کو ٹس سے مس نہیں کیونکہ وہ صرف مظلوموں کے خلاف ہی بولنا جانتے ہیں اس لیے کہ ان کی طرف سے ڈالروں کی کٹوتی کی فکر نہیں ہوتی۔
