سچ خبریں: غاصب صیہونی حکومت کے فوجیوں نے مغربی کنارے کے شمال میں نور شمس کیمپ پر بلڈوزر اور بکتر بند گاڑیوں سے حملہ کیا۔
فلسطینی ذرائع نے دریائے اردن کے مغربی کنارے کے شہر طولکرم کے مشرق میں واقع نور شمس کیمپ پر صیہونی فوج کے حملے اور صیہونیوں کے ہاتھوں اس علاقے کے محاصرے کی اطلاع دی ہے۔
یہ بھی پڑھیں:فلسطینیوں کے خلاف نہ رکنے والی صیہونی جارحیت، عالمی برادری خاموش تماشائی
الجزیرہ نیوز چینل کے رپورٹر نے مقامی ذرائع کے حوالے سے اطلاع دی ہے کہ صہیونیوں کی اس کاروائی کے بعد قابض فوج اور فلسطینی مزاحمت کاروں کے درمیان مسلح تصادم ہوا۔
فلسطینی ذرائع کے مطابق نور شمس کیمپ پر حملے میں اسرائیلی بلڈوزر اور 60 سے زائد بکتر بند گاڑیاں حصہ لے رہی ہیں، تاہم ابھی واقعہ کی مزید تفصیلات جاری نہیں کی گئی ہیں۔
یاد رہے کہ دو ہفتے قبل قابض فوج نے مغربی کنارے میں جنین کیمپ پر حملہ کیا تھا جس کا فلسطینی مزاحمت کاروں نے متحد ہوکر ڈٹ کا مقابلہ کیا اور قابض فوج کو پسپائی اختیار کرنا پڑی۔
یاد رہے کہ جنین پر قابض فوج کے زمینی اور فضائی حملوں کے نتیجے میں کم از کم 8 فلسطینی شہید اور درجنوں زخمی ہو گئے۔
مزید پڑھیں: مقبوضہ مغربی کنارہ اور بیت المقدس ایک بار پھر صیہونی جارحیت کا شکار
قابل ذکر ہے حالیہ مہینوں میں جہاں ایک فلسطینیوں کے خلاف صیہونی جارحیت میں اضافہ ہوا ہے وہیں فلسطین مزاحمتی تحریک میں منسجم اور متحدہ ہو کر جارحین کا مقابلہ کر رہی ہے جسے لے کر صیہونی حکام سخت پریشان ہیں۔
