مغربی کنارے میں عام ہڑتال کی اپیل

?️ 27 فروری 2024

سچ خبریں: مغربی کنارے کے شہر طوباس میں مقیم فلسطینیوں نے صہیونی عناصر کے ہاتھوں تین فلسطینیوں کی شہادت کے ردعمل میں ملک گیر ہڑتال کی کال دی ہے۔

الجزیرہ چینل کی رپورٹ کے مطابق فلسطینی ذرائع ابلاغ نے اعلان کیا ہے کہ صہیونی فورسز کے ہاتھوں آج صبح تین فلسطینیوں کی شہادت کے بعد مغربی کنارے میں واقع شہر طوباس میں عام ہڑتال کی کالیں بڑھ گئی ہیں۔

یہ بھی پڑھیں: صیہونی حکومت رمضان المبارک میں مغربی کنارے کے حالات کے پریشان

اس علاقے کے باشندوں نے اس بات پر زور دیا کہ مغربی کنارے پر صیہونی فوج کے حملوں میں شدت اور ان کی جارحیت کے خلاف احتجاجاً ملک گیر ہڑتال شروع کی جانی چاہیے۔

واضح رہے کہ آج صبح ایک فلسطینی کو الفارہ کیمپ اور 2 دیگر کو طوباس شہر میں شہید کیا گیا ۔

خبر رساں ذرائع ابلاغ نے تاکید کی ہے کہ ان فلسطینی شہداء میں طوباس بٹالین کے کمانڈر احمد دراغمہ بھی شامل ہیں۔

فلسطینی وزارت صحت نے گزشتہ ہفتے اعلان کیا تھا کہ 7 اکتوبر کو غزہ میں جنگ کے آغاز سے اب تک مغربی کنارے پر صیہونی حکومت کی فوج کے حملوں میں 400 سے زائد فلسطینی شہید ہو چکے ہیں۔

مزید پڑھیں: مغربی کنارے پر صیہونی فوج کا وسیع حملہ

دوسری جانب فلسطین الیوم چینل نے غزہ شہر کے مغرب میں تل الہوا کے علاقے کے جنوب میں فلسطینی مزاحمتی فورسز اور صیہونی غاصب فوج کے درمیان جھڑپوں کے دوبارہ شروع ہونے کی اطلاع دی ہے۔