مصر میں مساجد اہل بیت کی کی ترقی اور بہتری کا منصوبہ

?️ 3 جولائی 2022

سچ خبریں:مصر میں مساجد کی ترقی کے لیے فلاحی تنظیم نے اس ملک میں اہل بیت سے منسوب 9 مساجد کی بحالی اور بہتری کے منصوبے کا اعلان کیا۔
الدستورنیوز ایجنسی کی رپورٹ کے مطابق مصر کی مساجد ڈیولپمنٹ آرگنائزیشن کے ایگزیکٹو ڈائریکٹر محمد الشہاوی نے کہا کہ یہ ادارہ ایک خیراتی اور غیر سرکاری ادارہ ہے جو 2019 میں مصر کی وزارت اوقاف کے تعاون سے قائم کیا گیا تھا جس کا مقصد مساجد اہل بیت کی تزئین و آرائش، ترقی اور کارکردگی میں اضافہ کرنا تھا، تاہم کورونا کے پھیلاؤ اور مساجد کی معطلی اور بندش کی وجہ سے اس نے 2021 کے آخر سے اپنی سرگرمیاں دوبارہ شروع کی ہیں۔

انہوں نے یہ بیان کرتے ہوئے کہ مسجد کی ترقی کی تنظیم نے اپنا کام مسجد امام حسین سے شروع کیا مزید کہا کہ اس تنظیم نے مسجد کے فرش، دیواروں اور چھت سمیت تمام حصوں کی تعمیر نو کے لیے 150 ملین پاؤنڈ مختص کیے ہیں جس میں بجلی اور پانی سمیت مسجد کی تزئین و سجاوٹ ، ایئر کنڈیشنگ، کیمرے ، الارم اور آگ بجھانے کا نظام پر ہونے والے اخراجات شامل ہیں۔

الشحاوی نے اپنی بات جاری رکھتے ہوئے کہا کہ مسجد امام حسین کی تعمیری کارروائیوں کے مکمل ہونے کے ساتھ ہی اس مسجد کی حفاظت، دیکھ بھال اور صفائی کی ذمہ داری مسجد ڈیولپمنٹ آرگنائزیشن کی ہوگی اور یہ کام جدید اور پیشہ ورانہ طریقے سے کیا جائے گا۔

انہوں نے کہا کہ مسجد کے نظام اور سہولیات کو کنٹرول کرنے کے طریقے اور صحت کے اعلیٰ ترین عالمی معیارات کا استعمال کیا جائے گا جو وبائی امراض، بیماریوں کے پھیلاؤ کو محدود کرنے اور صحت عامہ کو برقرار رکھنے میں مدد دے گا۔