مصر اور سعودی عرب کی بحیرہ احمر میں عسکری اتحاد سے سرائیل میں تشویش

?️ 14 نومبر 2025

مصر اور سعودی عرب کی بحیرہ احمر میں عسکری اتحاد سے سرائیل میں تشویش

 حالیہ رپورٹس کے مطابق مصر اور سعودی عرب نے بحیرہ احمر میں مشترکہ عسکری سرگرمیاں شروع کر دی ہیں تاکہ اپنے علاقائی اور اقتصادی مفادات کو محفوظ بنایا جا سکے۔ یہ اقدام اسرائیل میں تشویش کا سبب بنا ہے۔

اسرائیلی ویب سائٹ ناسیو نت کی رپورٹ میں بتایا گیا کہ مصر اور سعودی عرب بحیرہ احمر اور اس کے گرد و نواح میں اپنے مشترکہ مفادات کے تحفظ کے لیے تیز رفتاری سے فوجی اقدامات کر رہے ہیں۔ رپورٹ میں کہا گیا ہے کہ یہ ہم آہنگی محض معمولی تعاون نہیں بلکہ مستقبل قریب میں ممکنہ فوجی اتحاد یا مشترکہ عسکری مداخلت کی بنیاد رکھ سکتی ہے۔

رپورٹ کے مطابق یہ تعاون اس لیے بھی اہم ہے کیونکہ بحیرہ احمر تجارتی اور توانائی کے اہم راستوں میں شامل ہے۔ سعودی عرب کی یورپ اور امریکہ کو تیل کی ترسیل اور مصر کی اقتصادی آمدنی کے لیے یہ سمندر شریان کی حیثیت رکھتا ہے۔ اس کے علاوہ، علاقے میں بندرگاہوں اور تجارتی گذرگاہوں پر کنٹرول کی دوڑ بھی تعاون کے پسِ منظر میں ہے۔

مصر اور سعودی حکام کے حالیہ فوجی اور سفارتی دوروں سے ظاہر ہوتا ہے کہ دونوں ممالک خفیہ طور پر علاقے میں سکیورٹی تعاون پر عمل کر رہے ہیں۔

اس ہم آہنگی کا مقصد سودان میں قانونی فوج کی حمایت اور بیرونی قوتوں کی مداخلت روکنا ہے، خصوصاً پورٹ سودان میں۔اریٹریا کے صدر اور مصر کے درمیان ملاقاتیں بھی تعاون کی نشاندہی کرتی ہیں۔

رپورٹ میں کہا گیا ہے کہ اگر کسی بیرونی طاقت نے بحیرہ احمر میں دخل اندازی کی کوشش کی تو مصر اور سعودی عرب شدید عسکری ردعمل دے سکتے ہیں۔ اس کے علاوہ، سودان اور اریٹریا میں عسکری کارروائیاں اور ہوائی حملے مشترکہ منصوبے کے ابتدائی اقدامات ہو سکتے ہیں۔