مشرق وسطی میں نیٹو کا قیام ایک مضحکہ خیز خیال:مصری سیاستدان

🗓️ 28 جولائی 2022

سچ خبریں:مصر کے سابق وزیر خارجہ نے عالمی اور علاقائی احکامات میں تبدیلیوں کا ذکر کرتے ہوئے کہا کہ ’’مشرق وسطیٰ میں نیٹو‘‘ کا خیال ایک مضحکہ خیز خیال ہے۔
مصر کے سابق وزیر خارجہ نبیل فہمی نے اپنے ایک انٹرویو میں خطے کے تاریخی رجحانات میں اپنے ملک کے کردار پر زور دیتے ہوئے کہا کہ "مشرق وسطیٰ میں نیٹو” جیسے منصوبے کام نہیں آئیں گے جبکہ علاقائی ترتیب تبدیلی کے دہانے پر ہے۔

رشیا ٹو ڈے نیوز سائٹ کی رپورٹ کے مطابق فہمی نے سی بی سی چینل کو انٹرویو دیتے ہوئے کہا کہ مشرق وسطیٰ میں نیٹو کا خیال مضحکہ خیز ہے کیونکہ یہ خیال ایک قسم کی ڈیل کے طور پر پیش کیا گیا ہے، تاہم جو بھی یہ کہتا ہے کہ مشرق وسطیٰ میں تبدیلی نہیں آرہی وہ حقیقت کو نظر انداز کر رہا ہے۔

انہوں نے تاکید کرتے ہوئے کہا کہ مصر ہمیشہ فکری اور ثقافتی طور پر خطے میں ایک رہنما رہا ہے اور اسے اس مقام کو بحال کرنا چاہیے،یہ مسئلہ مادی صلاحیت سے متعلق بھی نہیں ہے بلکہ اسے ثقافتی اور نرم طاقت کی روشنی میں دیکھا جائے، تاہم اس کا مطلب یہ نہیں ہے کہ ہم ہر چیز میں درست ہیں اور ہر چیز میں عرب ممالک متحد ہیں۔

مصر کے سابق وزیر خارجہ نے مزید کہا کہ پانی کا مسئلہ صرف مصر کو درپیش نہیں بلکہ مغربی کنارے اور اردن کے لیے بھی یہ مسئلہ ہے جہاں پانی کا استعمال اسرائیل سے بہت کم ہے، ادھر شام اور عراق کا پانی بھی ترکی کے کنٹرول میں ہے لہذا یہ مسئلہ بین الاقوامی ہے جو مستقبل میں تنازعات کا سبب بن سکتا ہے۔