سچ خبریں:اربعین حسینی کے موقع پر امام حسین کے روضے کے صحن میں مسجد اقصیٰ کے متعدد علماء کی موجودگی دکھائی دی نیز پرجوش انداز میں اسرائیل مردہ باد کے زبردست نعرے بھی سننے کو ملے۔
عراقی ٹی وی چینل آفاق آج (بدھ ، 22 ستمبر) کچھ تصاویر نشر کی ہیں جن میں امام حسین کے چہلم کے موقع پر امام حسین کے روضے پر عراقی زائرین کے ساتھ مختلف ممالک کے زائرین بھی موجودتھےنیز اس مقدس حرم کے صحن میں اسرائیل مردہ باد کے نعرے بھی لگائے گئے۔
عراقی چینل پر شائع ہونے والی یہ تصاویر مسجد اقصیٰ کے متعدد علماء کی موجودگی کو ظاہر کرتی ہیں جو امام حسین کے روضے کے صحن میں دوسرے زائرین سے گفتگو کرتے ہیں، ان میں سے ایک کہتے ہیں کہ جو بھی امام حسین کے راستے کو جاری رکھنا چاہتا ہے ، اسے انصاف اور مساوات کے قیام کے لیے اٹھنا چاہیے،تاہم جب تک اسرائیل موجود ہے انصاف اور مساوات قائم نہیں ہو سکتا۔
