مسجد اقصیٰ پر حملہ آگ سے کھیلنا ہے: حماس

?️ 6 مئی 2022

سچ خبریں:حماس نے صیہونی حکومت کی طرف سے مسجد اقصیٰ پر اجتماعی حملہ کرنے کے اقدام کو آگ کے ساتھ کھیلنا قرار دیتے ہوئے خبردار کیا ہے۔
العہد چینل کی رپورٹ کے مطابق فلسطین کی اسلامی مزاحمتی تحریک حماس نے ایک بیان جاری کرکے صہیونیوں کو آگ سے کھیلنے کے بارے میں خبردار کیا ہے، حماس نے کہا کہ قابض حکام کی جانب سے مسجد اقصیٰ پر جمعرات کو اجتماعی حملہ کرنے کی اجازت دینا آگ سے کھیلنے اور علاقے کو کشیدگی کی طرف لے جانے کے مترادف ہے جس کے لیے قابض پوری طرح سے ذمہ دار ہیں۔

حماس نے تاکید کی کہ ہم اپنی قوم کے غیرت مند نوجوانوں کو مسجد اقصیٰ میں جمع ہونے اور قدس شہر میں اپنی شناخت ، اپنے دین اور اپنے قبلہ اول کے دفاع کے لیے متحرک ہونے کی دعوت دیتے ہیں، حماس نے مزید کہا کہ قابضین کو معلوم ہونا چاہیے کہ مسجد اقصیٰ کی وقتی اور مقامی تقسیم اور ہمارے مقدس مقامات کو یہودیانے کے منصوبے پورے نہیں ہو سکیں گے اور اس قابض ریاست کے مذموم مقاصد حاصل نہیں ہوں گے۔

دوسری جانب حماس کے ترجمان عبداللطیف قانوع نے کہا ہے کہ صیہونی حکومت کی پولیس کی جانب سے جمعرات کو مسجد الاقصی پر آباد کاروں کے بڑے پیمانے پر حملے کی پشت پناہی صیہونی دشمن کے ساتھ جنگ اور تنازع شروع کرنے کی چنگاری ثابت ہوگی۔