مسجد اقصیٰ پر ایتمار بن گویر کے حملے میں فلسطینی کی شہادت

?️ 3 جنوری 2023

سچ خبریں:     صیہونی حکومت کے داخلی سلامتی کے وزیر ایتمار بن گویر نے آج منگل کی صبح سخت حفاظتی اقدامات کے تحت مسجدِ الاقصیٰ پر حملہ کیا۔

اس کارروائی سے قبل اقوام متحدہ اور مصر نے صیہونی حکومت کو مسجد الاقصی پر بن گویر کے حملے کے بارے میں خبردار کیا تھا۔

صیہونی حکومت کے چینل 12 نے اس حوالے سے اعلان کیا ہے کہ اقوام متحدہ اور مصر نے اپنے ایک پیغام میں بنجمن نیتن یاہو کو خبردار کیا ہے کہ اگر ایتمار بن گویر نے مسجد الاقصی پر حملہ کیا تو انہیں حماس کو اس قسم کے ردعمل سے روکنے میں مشکلات کا سامنا کرنا پڑے گا۔
جنین بٹالین نے اعلان کیا کہ قابض صہیونی افواج کے حملے کے دوران جنین کے المساوارہ محلے پر اس نے گولی چلائی۔

مقامی ذرائع نے اعلان کیا کہ استقامتی جنگجوؤں اور صیہونیوں کے درمیان مسلح تصادم کے بعد قابض اس علاقے میں مطلوب فلسطینیوں میں سے ایک کو گرفتار کرنے میں ناکام رہے اور انہیں اس علاقے سے پسپائی اختیار کرنی پڑی۔
صیہونی قابض فوج نے آج منگل کی صبح بیت لحم کے جنوب میں الدہیشہ کیمپ میں ایک 15 سالہ فلسطینی نوجوان کو گولی مار کر ہلاک کر دیا۔

فلسطین کی وزارت صحت نے اعلان کیا ہے کہ الدہیشہ کیمپ پر حملے کے دوران صیہونی فوجیوں نے فلسطینیوں پر گولیاں برسانا شروع کر دیں جس کے دوران آدم عصام شاکر عیاد نامی 15 سالہ نوجوان شہید اور متعدد زخمی ہو گئے۔