سچ خبریں:متحدہ عرب امارات کی ایک عدالت نے مقبوضہ فلسطین کی خاتون باشندہ کو آدھا کلو کوکین لے جانے کے جرم میں سزائے موت سنائی ہے۔
الخلیج آن لائن ویب سائٹ کی رپورٹ کے مطابق متحدہ عرب امارات کی فوجداری عدالت نے مقبوضہ فلسطین کی رہائشی ایک خاتون کو آدھا کلو گرام کوکین لے جانے اور رکھنے کے جرم میں سزائے موت سنائی ہے، رپورٹ کے مطابق اماراتی سکیورٹی اہلکاروں نے کوکین کی یہ مقدار گزشتہ سال فداء کیوان نامی 43 سالہ صیہونی خاتون کے گھر سے دریافت کی تھی۔
اس کے ساتھ ہی صیہونی حکومت کے ذرائع ابلاغ اس بات پر زور دینے کی کوشش کر رہے ہیں کہ اس نے مار پیٹ کے تحت اپنے جرم کا اعتراف کر لیا ہے جبکہ ان کے وکیل نے کہا کہ وہ 30 دنوں کے اندر فیصلے کے خلاف اپیل کریں گے اور فیصلے کو کالعدم کرنے کے لیے تل ابیب اور دیگر حکام سے مدد طلب کریں گے۔
واضح رہے کہ اسرائیلی وزارت خارجہ نے بھی کہا ہے کہ وہ اس معاملے سے آگاہ ہے، یاد رہے کہ 2019 میں اسرائیلی اور امریکی شہریت رکھنے والی نیما یسخر نامی خاتون کو روس میں منشیات کی نقل و حمل اور ذخیرہ کرنے کے جرم میں سزائے موت سنائی گئی جس کے بعد وقت صیہونی حکومت کے اس وقت کے وزیر اعظم "بنجمن نیتن یاہو” نے ایکشن لیا اور آخر کار انہیں رہا کر دیا گیا.
