لندن ہوائی اڈے کے سیکورٹی افسران کی ہڑتال کی کال 

?️ 8 جون 2023

سچ خبریں:لندن کے ہیتھرو ہوائی اڈے پر سکیورٹی افسران نے جون کے آخر سے اگست کے آخر تک برطانیہ میں موسم گرما کی ہڑتالوں کے نئے دور کو شروع کرنے کے لیے 31 دنوں تک ہڑتال کی کال دی ہے۔

لندن کے ہیتھرو ہوائی اڈے پر تعینات سکیورٹی افسران نے  جون کے آخر سے اگست کے آخر تک برطانیہ میں موسم گرما کی ہڑتالوں کے نئے دور کو شروع کرنے کے لیے 31 دنوں تک ہڑتال کی کال دی جس کے باعث پروازوں میں تاخیر اور منسوخی ہوگی نیز ہوائی اڈے پر مسافروں کی لمبی قطاریں لگیں گی۔

ایسوسی ایٹڈ پریسخبر رساں ایجنسی کی رپورٹ کے مطابق یونائٹڈ ٹریڈ یونین 24 جون سے 27 اگست کے عرصے میں 31 روزہ ہڑتال کا اہتمام کر رہی ہے جس میں 2000 سے زائد سکیورٹی افسران شریک ہوں گے ۔

 پیش گوئی کی گئی ہے کہ کئی مشہور ایئر لائنز کی پروازیں جن میں برٹش ایئرویز، ،ورجن ،ایمریٹس ،قطر ،یونائیٹڈ ،  ڈیلٹا  اور امریکن ائر لائنز کی پروازوں میں خلل پڑے گا۔

یونائیٹڈ ٹریڈ یونین نے اعلان کیا کہ اس یونین کے ملازمین نے10.1 فیصد تنخواہ میں اضافے کی پیشکش کو مسترد کر دیا جو افراط زر کی شرح سے کم ہے۔

 واضح رہے کہ یونین کا کہنا ہے کہ کارکنوں کی تنخواہوں کو لے کر ہیتھرو ہوائی اڈے کے عہدیداروں کے درمیان شدید اختلاف پایا جاتا ہے،اس یونین کی جانب سے کی گئی تحقیق سے پتہ چلتا ہے کہ 2017 سے ہیتھرو ایئرپورٹ کے ملازمین کی اوسط تنخواہ میں 24 فیصد کمی آئی ہے۔