لبنان میں صیہونی جاسوس ڈرون برآمد

🗓️ 30 مارچ 2021

سچ خبریں:لبنان کے پہاڑوں پر گرنے والا ایک اسرائیلی جاسوس ڈرون برآمد ہوا ہے۔
العہد نیوز ویب سائٹ کی رپورٹ کے مطابق لبنان کے کفرشوبا علاقہ کی بلندیوں پر صیہونی جاسوس ڈرون دریافت ہوا ہے،رپورٹ کے مطابق لبنانی سرزمین پر تجاوز اور قرارداد 1701 کی خلاف ورزی کرتے ہوئے ، ایک اسرائیلی جاسوس ڈرون کفرشوبا کی بلندیوں پر برآمد ہوا، ایک چرواہے نے بوابه حسن اور رویسات فوجی کیمپ کے درمیان لبنانی اور یو این آئی ایل آئی ایل کی بین الاقوامی افواج کے ٹھکانوں کے قریب صیہونیوں سے آزاد ہونے والے لبنانی علاقوں میں ڈرون دریافت کیا جسے لبنانی فوج کے حوالے کردیا گیا ۔

یادرہے کہ گذشتہ سال مارچ میں لبنانی فوج نے بیلدا اور یمس الجبل کے سرحدی علاقوں میں دو فوجی چوکیوں پر اڑتے ہوئے دو اسرائیلی ڈرونوں پر فائر کیا ،المنار ٹی وی چینل کی رپورٹ کے مطابق لبنانی فوج نے پہلے اسرائیلی ڈرون پر فائر کیا جو میس الجبل کے علاقے میں فوج صدر دفاتر کے اوپر اڑ رہا تھا، اس کے بعد لبنان کے فوجیوں نے بیلدا سرحدی علاقہ کے جنوب میں خربہ شعیب علاقے کے اوپر اڑنے والے دوسرے اسرائیلی ڈرون پر فائر کیا۔

یادرہے کہ لبنانی فوج نے حال ہی میں یروشلم میں قابض حکومت کے خلاف شکایت درج کروائی اور اسے اقوام متحدہ کی سلامتی کونسل میں پیش کیاجس میں لبنان نے کہا ہے کہ اس شکایت کو درج کرنے کی وجہ صہیونیوں کی طرف سے اس ملک کی فضائی حدود کی بار بار خلاف ورزی اور اس کے جنگی طیاروں کے اس ملک کے آسمان سے بار بار گزرنا ہے۔