لبنان میں اسرائیل کے 15 سے زیادہ جاسوسی نیٹ ورکس تباہ

?️ 1 فروری 2022

سچ خبریں:لبنان کے ایک اخبارنے اس ملک میں اسرائیل کے 15 سے زائد جاسوسی نیٹ ورکس کی تباہی کی خبر دی ہے۔

لبنان کے روز نامہ الاخبار کی رپورٹ کے مطابق اس ملک کی سکیورٹی فورسز کی انٹیلی جنس برانچ نے اسرائیل کے 15 سے زیادہ ایسےجاسوسی نیٹ ورکس کو تباہ کر دیاجن میں سے ہر ایک لبنان کے مختلف حصوں سے لے کر شام تک الگ الگ کام کر رہا تھا، یادرہے کہ یہ سکیورٹی آپریشن 4 ہفتے قبل انٹیلی جنس برانچ کی ملکی سکیورٹی فورسز کی کمان کے ساتھ تال میل کے بعد کیا گیا تھا۔

الاخبار کے مطابق یہ نیٹ ورکس اسرائیلی دشمن کے ساتھ تعاون کررہے تھے، رپورٹ کے مطابق پانچ ہفتے قبل لبنانی ملکی سکیورٹی فورسز کی انٹیلی جنس برانچ کے ایک افسر نے اطلاع دی تھی کہ انھوں نے لبنان میں مشکوک سکیورٹی سرگرمیوں کے بارے میں معلومات حاصل کی ہیں۔

انھوں نے مزید کہا کہ لبنان کی سکیورٹی فورسز کی انٹیلی جنس برانچ کے عہدہ داروں کو پتہ چلا ہے کہ ایک چینل جس پر ملک میں سکیورٹی کارروائیاں کرنے کا شبہ ہے، صیہونی دشمن سے منسلک ہے۔

اس کے ساتھ ہی برانچ نے اسرائیلی جاسوسی نیٹ ورکس کے خلاف اپنی تاریخ کا سب سے بڑا سکیورٹی آپریشن شروع کیا، اور چار ہفتوں کے اندر درجنوں ایسے مشتبہ افراد کے بارے میں معلومات حاصل کرنے میں کامیاب ہوئے جنہوں نے دانستہ یا نادانستہ طور پر صہیونی دشمن کے ساتھ بالواسطہ یا بلاواسطہ تعاون کیا۔