فلسطین کے سلسلہ میں ہمارا موقف تبدیل نہیں ہوگا:سعودی عرب

?️ 30 جولائی 2022

سچ خبریں:سعودی عرب نے اعلان کیا کہ اسرائیل سمیت تمام فضائی کمپنیوں کو اپنے ملک کی فضائی حدود استعمال کرنے کی اجازت دینا بین الاقوامی ذمہ داریوں سے متعلق ہے۔
رشیا ٹوڈے کی رپورٹ کے مطابق اقوام متحدہ میں سعودی وفد کے ڈپٹی چارج محمد العتیق نے سلامتی کونسل کے اجلاس میں فلسطین کے بارے میں اپنے ملک کا موقف بیان کرتے ہوئے کہا کہ اسرائیلی ایئر لائنز سمیت تمام ایئر لائنز کو پروازوں کو سعودی فضائی حدود کا استعمال کرنے کی اجازت دینے کا ہمارا فیصلہ بین الاقوامی قوانین کے مطابق ہے، یہ دوسرے اقدامات کا پیش خیمہ نہیں ہے، فلسطین کے بارے میں ہمارا موقف مستحکم ہے۔

انہوں نے کہا کہ ہم ہمیشہ فلسطینی قوم کی حمایت کرتے ہیں اور عصری دنیا کے سب سے طویل اور پیچیدہ تاریخی تنازعات میں سے ایک کو ختم کرنے کے لیے مشرق وسطیٰ میں جامع اور دیرپا امن کی اہمیت پر زور دیتے ہیں، انہوں نے کہا کہ ہمارا موقف دو ممالک کی تشکیل کے حل اور بین الاقوامی اصولوں نیز عرب امن منصوبے پر مبنی ہے جس میں 1967 کی سرحدوں پر ایک فلسطینی ریاست کا قیام شامل ہے جس کا دارالحکومت مشرقی یروشلم نیز گولان اور لبنان سمیت تمام عرب ممالک پر اسرائیل کے قبضہ کا خاتمہ ہو۔

العتیق نے خلیج فارس کے علاقے کو وسیع پیمانے پر تباہی پھیلانے والے ہتھیاروں سے پاک خطے کے طور پر برقرار رکھنے اور اس سلسلے میں ایٹمی توانائی کے عالمی ادارے کے ساتھ تعاون کی اہمیت پر زور دیا۔