سچ خبریں:فلسطینی ذرائع ابلاغ نے مقبوضہ بیت المقدس میں فلسطینیوں کے خلاف صیہونی فوج کی مسلسل جابرانہ کارروائیوں کی خبر دی ہے۔
فلسطینی ذرائع ابلاغ نے مقبوضہ بیت المقدس میں فلسطینیوں کے خلاف صیہونی فوج کی مسلسل جابرانہ کارروائیوں کی خبر دیتے ہوئے کہا ہے کہ اسرائیلی فوج نے مقبوضہ بیت المقدس میں سیلوان بستی پر حملہ کرکے ایک فلسطینی شہری کے گھر کو تباہ کردیا جس کے بعد صیہونی حکومت کے فوجیوں نے دعویٰ کیا کہ اس گھر کے پاس تعمیراتی اجازت نامہ نہیں ہے۔
فلسطینی ذرائع نے اطلاع دی ہے کہ صیہونی فوجیوں نے اس خاندان کے افراد پر حملہ کرکے انہیں زدوکوب کرکے گھر سے نکال دیا، یاد رہے کہ اس گھر کی تباہی کے بعد ابو سنینا کے خاندان کے تمام افراد بے گھر ہو گئے،عینی شاہدین کا کہنا ہے کہ یہ خاندان 15 سال سے اس گھر میں مقیم تھا۔
واضح رہے کہ چند روز قبل بھی اسرائیلی فوجیوں نے مغربی کنارے کے شمال میں ایک فلسطینی کا مکان تعمیر کی اجازت نہ لیے جانے کے بہانے تباہ کر دیا تھا، یاد رہے کہ صیہونی من مانے طریقے سے بنائے ہوئے اپنے قوانین کے بہانے فلسطینیوں کے گھروں کو مسمارکر ہے ہیں جس کا مقصد فلسطینیوں ان کی سرزمین سے بے دخل کرنا ہے جبکہ اقوام متحدہ سمیت پوری عالمی برادری صیہونیوں کے اس اقدام کے خلاف خاموش تماشائی بنی ہوئی ہے۔