سچ خبریں:فرانس میں بڑھتے ہوئے عدم تحفظ نے فرانسیسی شہریوں کو خود کو آتشیں اسلحے سے لیس کرنے کی ترغیب دلائی ہے جس نے فرانسیسی وزارت داخلہ کو شہری ہتھیاروں کی رجسٹریشن کے لیے ایک سائٹ ڈیزائن کرنے اور اس پر عمل درآمد کرنے پر مجبور کیا ہے۔
فرانسیسی اخبار لی فیگارو کی رپورٹ کے مطابق فروری تک تقریباً 50 لاکھ فرانسیسی باشندوں کو اپنے ہتھیاروں کی معلومات وزارت داخلہ کی ملکیت والے نظام میں درج کرانی ہوں گی، اس پلان کا مقصد صارفین کے لیے لائسنسنگ کے عمل کو آسان بنانا اور ہتھیاروں کی تلاش کی صلاحیت کو مضبوط بنانا ہے۔
فرانسیسی حکام نے یہ بھی وعدہ کیا ہے کہ ہتھیاروں کی رجسٹریشن کا عمل سائٹ کے آغاز کے پہلے چھ مہینوں میں آسان ہو جائے گا، خاص طور پر غیر رجسٹرڈ خاندانی ہتھیار رکھنے والوں کے لیے،جنیوا انسٹی ٹیوٹ فار ایڈوانسڈ انٹرنیشنل سٹڈیز اینڈ ڈویلپمنٹ کی ایک تحقیق کے مطابق فرانس میں 12 ملین سے زیادہ ہتھیار شہریوں کے قبضے میں ہیں۔
قابل ذکر ہے کہ فرانس یورپی یونین کے سب سے زیادہ مسلح ممالک میں سے ایک ہے، جہاں پیشہ ور شکاریوں کے ساتھ ساتھ کھیلوں کے نشانے بازوں کی ایک خاصی آبادی ہے، اس ملک نے شکار کے 40 لاکھ لائسنس جاری کیے ہیں، اور ان لائسنسوں کے حامل 1.2 ملین فعال شکاری ہیں جبکہ فرانس میں ایک کھیل کے طور پر 220000 سے زیادہ پیشہ ور شوٹر بھی ہیں۔