غزہ پر صیہونیوں کے تازہ ترین حملے؛متعدد افراد شہید اور زخمی

?️ 7 مارچ 2024

سچ خبریں: فلسطینی ذرائع ابلاغ نے جمعرات کی صبح اعلان کیا ہے کہ غزہ کی پٹی کے مرکز میں صیہونی حکومت کی نئی جارحیت میں 17 فلسطینی شہید اور متعدد زخمی ہوئے ہیں۔

فلسطینی خبررساں ذرائع نے جمعرات کی صبح غزہ کی پٹی کے مرکز پر صیہونی حکومت کے حملوں میں 17 فلسطینیوں کے شہید اور متعدد کے زخمی ہونے کی اطلاع دی ہے۔

یہ بھی پڑھیں: غزہ پر صیہونی فضائی، زمینی اور سمندری حملے

فلسطین الیوم نیوز سائٹ نے اطلاع دی ہے کہ النصیرات اور دیر البلح کیمپوں پر صیہونی جنگی طیاروں کے حملے میں 17 افراد شہید اور متعدد زخمی ہوگئے ہیں۔

یاد رہے کہ حماس کی زیر قیادت فلسطینی مزاحمت نے 7 اکتوبر کو صبح کے وقت غزہ کی پٹی میں صہیونی بستیوں پر حملہ کرکے ایک منفرد آپریشن شروع کیا اور درجنوں صیہونیوں کو گرفتار کرلیا، ماہرین اس آپریشن کو صیہونی حکومت اور اس کی مبینہ افسانوی فوج کی تزویراتی ناکامی قرار دیتے ہیں۔

مزید پڑھیں: جنوبی غزہ اور جنین شہر کے خلاف صیہونیوں کی تازہ ترین جارحیت

اس آپریشن کے بعد سے غزہ کی پٹی میں رہائشی علاقوں پر قابض حکومت کی فوج کی وحشیانہ جارحیت کا آغاز ہوا اور یہ جارحیتیں 7 اکتوبر سے 24 نومبر تک جاری رہیں اور ایک ہفتے کے وقفے کے بعد یکم دسمبر بروز جمعہ دوبارہ شروع ہوئیں۔

غزہ کی وزارت صحت نے اعلان کیا ہے کہ فلسطینی شہداء کی تعداد 28 ہزار سے تجاوز کر گئی ہے۔