غزہ میں جنگ کا جاری رہنا جرم ہے: اولمرٹ

سچ خبریں: اسرائیل کے سابق وزیراعظم "ایہود اولمرت”،  نے جرمن اخبار "اشپیگل” کو انٹرویو میں غزہ پر جاری فوجی کارروائیوں کو تنقید کا نشانہ بناتے ہوئے کہا کہ اسرائیل کے فوجی اهداف کا حصول عرصہ پہلے ہی ہوچکا ہے اور جنگ جاری رکھنے کی کوئی جواز باقی نہیں بچا۔

انہوں نے غزہ میں حماس کے رہنما "یحییٰ السنوار” کے قتل کی طرف اشارہ کرتے ہوئے کہا کہ یہ آپریشن جنگ کا اختتام ہوسکتا تھا، لیکن نیتن یاہو نے اپنے ذاتی اور سیاسی مفادات کے تحفظ کے لیے تنازعے کو طول دیا ہے۔

اولمرت نے مطالبہ کیا کہ نیتن یاہو کو فلسطینیوں اور حتیٰ کہ اسرائیلیوں کے خلاف جنایات کے الزامات پر ہیگ کی عدالت میں نہیں، بلکہ اسرائیل ہی میں قانونی کارروائی کا سامنا کرنا چاہیے۔

اسرائیل کے سابق وزیراعظم نے غزہ پر اسرائیلی فوجی حملوں کو "غیرقانونی اور جنگی جرائم سے بھرپور” قرار دیا۔ انہوں نے تسلیم کیا کہ اسرائیلی سیکورٹی فورسز، ویسٹ بینک میں فلسطینی علاقوں پر آبادکاروں کے حملوں میں حصہ لیتی ہیں اور انہیں سپورٹ کرتی ہیں۔

انہوں نے "الاقصیٰ طوفان آپریشن” کے بعد اسرائیلی حکام کے رویے پر تنقید کرتے ہوئے خبردار کیا کہ اگر اسرائیل اسی طرح افراتفری پھیلاتا رہا، تو اسے بین الاقوامی پابندیوں اور عالمی تنہائی کا سامنا ہوگا۔

اولمرت کی یہ سخت بیانات ایسے وقت میں سامنے آئی ہیں جب غزہ میں فیلڈ ناکامیاں، بڑھتا ہوا ڈپلومیٹک بحران اور اسرائیل کے اندرونی معاشی مسائل نے سیاسی جماعتوں کے درمیان خلیج کو گہرا کر دیا ہے، جس سے نیتن یاہو کی حکومت کی پوزیشن مزید کمزور ہوئی ہے۔