غزہ میں تباہی بموں اور گولیوں سے کہیں بڑھ کر ہے:امریکی ڈیموکریٹ سینیٹرز 

غزہ میں تباہی بموں اور گولیوں سے کہیں بڑھ کر ہے:امریکی ڈیموکریٹ سینیٹرز

دو امریکی ڈیموکریٹ سینیٹرز نے مشرق وسطیٰ کے دورے کے بعد اپنی رپورٹ میں کہا ہے کہ اسرائیل غزہ میں ایک منظم منصوبے کے تحت نسل کشی اور جبری بے دخلی کی پالیسی پر عمل پیرا ہے، اور تباہی کی شدت بمباری اور گولیوں سے کہیں بڑھ کر ہے۔

گارڈین کے مطابق، سینیٹر کریس وین ہولن (ریاست میری لینڈ) اور جف مرکلی (ریاست اوریگن)، جو دونوں سینیٹ کی کمیٹی برائے خارجہ تعلقات کے رکن ہیں، نے اپنی تحقیق کو ایک رپورٹ کی صورت میں پیش کرتے ہوئے کہا کہ "کابینہ نتانیاہو غزہ کو خالی کرانے کا منصوبہ نافذ کر رہی ہے اور امریکا اس میں شریک ہے۔”

ان کا کہنا تھا کہ غزہ میں انسانی امداد کو منظم طور پر روکا جا رہا ہے اور خوراک کو جنگی ہتھیار بنایا گیا ہے۔ وین ہولن نے جمعرات کو ایک پریس کانفرنس میں کہا کہ نتانیاہو اور اس کی کابینہ محض حماس کو نشانہ نہیں بنا رہے بلکہ تمام غزہ کے عوام کو اجتماعی سزا دے رہے ہیں۔

رپورٹ کے مطابق، دونوں سینیٹرز نے مصر، سرزمینِ اشغالی، کرانہ باختری اور اردن کا دورہ کرنے کے بعد اس نتیجے پر پہنچے کہ اسرائیل کی کارروائیاں ایک سوچی سمجھی حکمتِ عملی کا حصہ ہیں جس کا مقصد فلسطینیوں کی نسلی تطہیر اور مقامی آبادی کو بے گھر کرنا ہے۔

ہولن اور مرکلی نے عالمی برادری سے مطالبہ کیا کہ اس عمل کو فوری طور پر روکا جائے۔ انہوں نے اسرائیل کی جانب سے امدادی قافلوں کو روکنے کی بھی شدید مذمت کی اور کہا کہ امریکا، بین الاقوامی قوانین کی خلاف ورزی میں اسرائیل کا شریکِ جرم بن چکا ہے۔

سینیٹر وین ہولن نے مزید کہا کہ اسرائیلی اقدامات کے نتیجے میں دو ملین سے زائد بے گناہ شہری، جن میں اکثریت خواتین اور بچوں کی ہے، بھوک اور محرومی کا شکار ہیں۔