غزہ میں تابعین اسکول پر بمباری پر سعودی عرب کا ردعمل

🗓️ 10 اگست 2024

سچ خبریں: سعودی عرب کی وزارت خارجہ نے غزہ کے باشندوں کے قتل میں صہیونی جرم پر ردعمل کا اظہار کیا ہے۔

سعودی عرب کی وزارت خارجہ نے کہا ہے کہ وہ مشرقی غزہ میں تابعین اسکول پر بمباری کی شدید مذمت کرتی ہے، جہاں فلسطینی پناہ گزین آباد ہیں۔

نیز سعودی وزارت خارجہ نے اعلان کیا کہ غزہ کی پٹی میں نسل کشی جو کہ صیہونی حکومت کے حملوں اور جرائم کی وجہ سے ایک بے مثال انسانی تباہی کا سامنا کر رہی ہے، کو روکنا ضروری ہے۔

سعودی وزارت خارجہ نے ان جرائم کی صیہونی حکومت کے خلاف قانونی چارہ جوئی اور مقدمہ چلانے میں عالمی برادری کی ناکامی کی مذمت کی۔

صیہونی قابض فوج کی جانب سے غزہ شہر کے تابعین اسکول پر وحشیانہ بمباری کا ذکر کرتے ہوئے مقامی ذرائع نے اعلان کیا ہے کہ اس جرم میں تقریباً 150 افراد شہید اور درجنوں زخمی ہوئے ہیں۔