غزہ جنگ کے خاتمے کے حوالے سے نیتن یاہو اور اس کے وزراء کے درمیان کیا ہوا؟

غزہ جنگ کے خاتمے کے حوالے سے نیتن یاہو اور اس کے وزراء کے درمیان کیا ہوا؟

صہیونی ذرائع ابلاغ نے انکشاف کیا ہے کہ اسرائیلی وزیرِاعظم بنیامین نیتن یاہو اور ان کی کابینہ کے دو انتہا پسند وزراء، بتسلئیل سموتریچ اور اتمار بن گویر کے درمیان غزہ کی جنگ کے خاتمے کے حوالے سے شدید اختلافات پیدا ہو گئے ہیں۔

اطلاعات کے مطابق نیتن یاہو نے حالیہ مشاورت کے دوران ان وزیروں سے کہا ہے کہ اگر جنگ کے مقاصد حاصل نہ ہوئے تو جنگ بندی کے بعد دوبارہ کارروائی کی جائے گی۔ ان کا کہنا تھا کہ جنگ کا اختتام ایک جنگ بندی کے فریم ورک کے تحت کیا جائے گا، لیکن یہ صرف عارضی ہوگا اور اگر ضرورت پڑی تو دوبارہ جنگ چھیڑی جائے گی۔

یاد رہے کہ نیتن یاہو اقتدار میں رہنے کے لیے مسلسل غزہ جنگ کے خاتمے کی راہ میں رکاوٹ بنتے رہے ہیں، جب کہ کابینہ کے بعض وزراء  بھی جنگ کو مزید طول دینا چاہتے ہیں تاکہ سیاسی فائدہ حاصل کیا جا سکے۔